وقۋ-جاتتىعۋدىڭ باستى ماقساتى – اسكەري باسقارۋ ورگاندارىنىڭ دايىندىق دەڭگەيىن تەكسەرۋ, بولىمشەنى باسقارۋداعى شتابتار مەن كومانديرلەردىڭ پراكتيكالىق تاجىريبە الۋى, وڭىردەگى بەيبىتشىلىكتى ساقتاۋ بويىنشا ارنايى اسكەري ءىس-قيمىلدى بىرلەسىپ ورىنداۋداعى ءوزارا ءىس-ارەكەت دەڭگەيىن نىعايتۋ بولىپ تابىلادى.
وقۋ-جاتتىعۋ ءمانىسى ءۇش كەزەڭنەن تۇرادى – اسكەرلەردى جاۋىنگەرلىك دايىندىقتىڭ جوعارعى دەڭگەيىنە كەلتىرۋ, بىرلەسكەن ارنايى اسكەري وپەراتسيانى دايىنداۋ جانە وتكىزۋ.
اتاپ ايتساق, بۇل وقۋ-جاتتىعۋعا 4000-عا جۋىق اسكەري قىزمەتشى, شامامەن 1500 بىرلىك اسكەري تەحنيكا مەن قارۋ-جاراق جۇمىلدىرىلدى.
«شىعىس - 2019» شتكش وقۋ-جاتتىعۋى شەڭبەرىندە حالىقارالىق دەڭگەيدە قازاقستاننىڭ وڭتۇستىگىندە تاۋلىق بولىمشەلەرمەن جانە قاراعاندى وبلىسىندا راكەتالىق ارتيللەريالىق بولىمشەلەرمەن شۇعىل تاكتيكالىق راكەتالاردىڭ وقۋ اتىسى ءبىر ۋاقىتتا وتكىزىلىپ جاتىر.
حالىقارالىق اسكەري بىرلەستىك شەڭبەرىندە قازاقستاننىڭ قارۋلى كۇشتەرى ورتالىق ازيا مەملەكەتتەرىنىڭ قارۋلى كۇشتەرى بولىمشەلەرىمەن, اتاپ ايتساق قىرعىزستان, وزبەكستان, تاجىكستان سونىمەن قوسا رەسەي, بەلورۋسيا, ينديا, تۋرتسيا جانە باسقا دا مەملەكەتتەرمەن بىرلەسكەن وقۋ – جاتتىعۋلارعا ۇنەمى قاتىسۋدا. قازاقستاننىڭ اسكەري قىزمەتشىلەرى 2018 جىلى 10-عا جۋىق وقۋ – جاتتىعۋعا قاتىسقان.
«شىعىس-2019» شتكش وقۋ جاتتىعۋىن وتكىزۋ اسكەرلەردىڭ دالالىق جاعدايداعى دايىندىعىن ارتتىرۋعا, سونىمەن قوسا وقۋ – جاتتىعۋعا قاتىسۋشى مەملەكەتتەر اراسىندا ماسەلەلى سۇراقتاردى شەشۋدەگى كەزەكتى قادام بولماق.
