قازاقستان • 12 قىركۇيەك، 2019

ونكولوگياداعى الەمدىك مەديتسينا مايتالماندارى قازاقستانعا كەلەدى

44 رەت كورسەتىلدى

الداعى 15-17 قازان كۇندەرى نۇر-سۇلتان قالاسىندا ونكولوگيالىق  بۇكىلالەمدىك كوشباسشىلار ءسامميتى (World Cancer Leaders' Summit 2019) وتەدى. اسا اۋقىمدى شارا «Hilton Expo Hotel» جانە «Expo استانا» كونگرەسس ورتالىعىندا وتكىزىلەدى دەپ ۇيعارىلعان.

ءسامميتتى ۇيىمداستىرۋعا دۇنيەجۇزىلىك دەنساۋلىق ساقتاۋ ۇيىمىنان باستاپ (ددۇ)، اتوم ەنەرگياسى جونىندەگى حالىقارالىق اگەنتتىگى (اەجحا) سونداي-اق، وبىردى زەرتتەۋ جونىندەگى حالىقارالىق اگەنتتىگىمەن (وزجحا) بىرگە وبىردى باقىلاۋ جونىندەگى حالىقارالىق وداعى (UICC) ۇيىتقى بولماق. ءسامميتتى قازاق ونكولوگيا جانە راديولوگيا عىلىمي-زەرتتەۋ ينستيتۋتى قابىلدايدى.  

ونكولوگياداعى بۇكىلالەمدىك كوشباسشىلار ءسامميتى قاتەرلى ىسىككە قارسى كۇرەستە جاھاندىق شەشىمدەر قابىلداۋعا ايرىقشا ىقپال ەتەتىن، جىل سايىن وتەتىن اسا ماڭىزدى ساياسي كەڭەس بولىپ تابىلادى. سامميت جۇمىسىنا وبىرعا قارسى كۇرەستىڭ 350-دەن استام نەگىزگى كوشباسشىلارى قاتىسادى. بۇلار – جوعارى لاۋازىمدى تانىمال تۇلعالار، مەملەكەت باسشىلارى، دەنساۋلىق ساقتاۋ مينيسترلەرى، ءبىرىنشى حانىمدار مەن كورولدىك وتباسىلاردىڭ مۇشەلەرى، قوعامدىق دەنساۋلىق ساقتاۋ ۇيىمدارىنىڭ، دۇنيەجۇزىلىك ۇيىمداردىڭ باسشىلارى: ددسۇ-نىڭ باس ديرەكتورى، UICC پرەزيدەنتى ونىڭ كورولدىك جوعارى مارتەبەلىسى، حانشايىم دينا مايرەد، اەجحا باس ديرەكتورى، وبىردى زەرتتەۋ جونىندەگى حالىقارالىق اگەنتتىكتىڭ (وزجحا) باس ديرەكتورى د-ر ەليزابەت ۆايدەرپاسس، سونداي-اق قوعامدىق ۇيىمدار مەن الەمدىك بۇقارالىق اقپارات قۇرالدارىنىڭ وكىلدەرى.

بيىلعى ءسامميتتىڭ تاقىرىبى – «وبىر جانە دەنساۋلىق ساقتاۋ قىزمەتتەرىمەن جاپپاي قامتۋ» ماسەلەسىن قامتيدى.

سوڭعى جاڭالىقتار

ۇقساس جاڭالىقتار