سونىمەن اقپارات جانە قوعامدىق دامۋ ءمينيسترىنىڭ بيىلعى جىلدىڭ 29 تامىزىنداعى بۇيرىعىنا, سوعان وراي بەكىتىلگەن ەرەجەگە سايكەس, ساتىپ الۋ قۇقىعىنسىز جالدامالى پاتەر 5 جىلعا بەرىلەدى. ونى الۋ ءۇشىن ءوتىنىش بەرۋشى ازامات ءتيىستى وكىلەتتى ورگانعا بىرقاتار قۇجاتتى تاپسىرۋى كەرەك.
تاپسىرىلاتىن قۇجاتتاردىڭ تىزىمىنە توقتالار بولساق, ءتيىستى وتىنىشپەن قوسا ازاماتتىڭ جەكە باسىن كۋالاندىراتىن قۇجاتتىڭ كوشىرمەسى, ءبىلىمى تۋرالى قۇجاتتىڭ كوشىرمەسى, وتباسىلى بولعان جاعدايدا نەكە كۋالىكتىڭ, بالالارىنىڭ تۋ تۋرالى كۋالىگىنىڭ كوشىرمەسى قوسا ۇسىنىلادى.
ءوتىنىش بەرۋشىنىڭ جانە ونىڭ وتباسىنىڭ بارلىق مۇشەلەرىنىڭ جىلجىمايتىن م ۇلىگى جوق ەكەنى تۋرالى انىقتاما دا تاپسىرىلاتىن قۇجاتتار تىزىمىندە بار. ءبىر ايتا كەتەرلىگى, ءوتىنىش بەرۋشىنىڭ اي سايىنعى تابىسى كەمىندە 40 ايلىق ەسەپتىك كورسەتكىشتەن, ياعني, 101 000 تەڭگەدەن كەم بولماۋى ءتيىس. ەڭبەك ءوتىلىن راستايتىن, ءتۇرلى قىزمەت سالالارىنداعى جەكە جەتىستىكتەرىن راستايتىن قۇجاتتارى دا ونىڭ باسپاناعا قول جەتكىزۋ مۇمكىندىگىن ارتتىرا تۇسەدى.
ءوتىنىش بەرۋشىلەردىڭ, ياعني, باسپانا الۋعا كونكۋرسقا قاتىسۋشىلاردىڭ مۇمكىندىكتەرى جيناعان بالى بويىنشا انىقتالادى. ايتالىق, «ەڭبەك» مەملەكەتتىك باعدارلاماسىنا سايكەس بەكىتىلگەن, نارىقتا ەڭ جوعارى سۇرانىسقا يە كاسىپتىڭ يەلەرىنە اۆتوماتتى تۇردە 10 بالل بەرىلەدى. بۇل 100 ماماندىقتىڭ قاتارىندا IT-ماماندار, 3D مودەلدەۋ ينجەنەرى, ەكولوگ, ءوندىرىس جانە قورشاعان ورتانى قورعاۋ ينجەنەرى جانە ونىڭ كومەكشىسى, اعاش ۇستاسى, تاس قالاۋشى, قۇرىلىسشى-مونتاجشى, سانتەحنيك, ينتەرەر ديزاينەرى جانە دەكوراتور, «اقىلدى ءۇي» ينفراقۇرىلىمىنىڭ وپەراتورى, سلەسارى جانە جوندەۋشىلەرى, تراكتورشىلار, سونداي-اق كومبايندار مەن وزگە دە اۋىل شارۋاشىلىعى جابدىقتارىنىڭ وپەراتورلارى, ەت جانە بالىقتى جارتىلاي فابريكاتتارمەن ازىق-ت ۇلىك جانە ۇنتاقتار وندىرۋشىلەر جانە باسقالارى بار.
سول سياقتى وتباسىلى ازاماتقا – 5 بالل, نەكەدە تىركەلگەن ءاربىر جىلى ءۇشىن – 2 بالل; ءبىر بالاعا – 1 بالل, ءاربىر كەيىنگى بالا ءۇشىن – 2 بالل; جەكە كاسىپكەرلىكپەن اينالىسقانى ءۇشىن ءار جىلىنا – 5 بالل دەگەن سىندى ەرەجە بويىنشا جيعان ءتيىستى بالى قوسىلادى. جوعارى بالل جيناعان ازامات سايكەسىنشە جالدامالى پاتەرگە يە بولادى.
