اتالعان شارا جاستار اراسىندا زياتكەرلىك, ادامي جانە وي ۇشقىرلىعى الەۋەتىن قالىپتاستىرۋعا, ولاردىڭ كوشباسشىلىق قاسيەتتەرىن شىڭداپ, جاستار ساياساتىندا جالپى جۇمىستى ۇيلەستىرۋگە باۋلۋعا, سونىمەن قاتار مۇمكىندىگى شەكتەۋلى جانداردىڭ تولىققاندى دامۋى مەن لايىقتى ءومىر سۇرۋىنە جاعداي جاساۋعا ارنالدى.
وبلىستىق لاگەرگە ءوڭىرىمىزدىڭ بەلسەندى جاستارى, مۇمكىندىگى شەكتەۋلىلەر مەن ولاردىڭ كۇتۋشىلەرى, ۆولونتەرلەر, ۇكىمەتتىك ەمەس ۇيىم جەتەكشىلەرى, اۋداندىق, قالالىق «جاستار رەسۋرستىق ورتالىقتارىنىڭ» قىزمەتكەرلەرى, جاستار ۇيىمدارىنىڭ كوشباسشىلارى قاتىستى. ەكى كۇنگە سوزىلعان شارانىڭ العاشقى كۇنى «جاستار رەسۋرستىق ورتالىعى» ديرەكتورىنىڭ ورىنباسارى ايبەك تاۋتەن جانە «رۋحاني جاڭعىرۋ» جوبالىق ءوفيسىنىڭ ديرەكتورى سەرىكبول بەرىكقوجا دەلەگاتتاردى وقىتۋ شاراسىنىڭ اشىلۋىمەن قۇتتىقتادى. سودان سوڭ 7 توپقا بولىنگەن جاستار توپ اتاۋىن قورعاپ, وزدەرىن تانىستىردى. سونىمەن قاتار وبلىستىق «وڭىرلىك كوممۋنيكاتسيالار قىزمەتى» مەكەمەسىنىڭ ديرەكتورى يحتيار مىرزاحمەتوۆ, تاراز قالالىق ءماسليحاتىنىڭ دەپۋتاتى سەرىكبول بەرىكقوجا جانە «نۇر بالا» قوعامدىق بىرلەستىگىنىڭ ءتورايىمى ايگەرىم داۋلەتباەۆا جاستارعا ءدارىس وقىپ, پىكىر الماستى. شارا بارىسىندا لاگەر قوناقتارىمەن ينتەراكتيۆتى سۇحباتتار, جەكە تۇلعانىڭ دامۋىنا جانە كاسىبي تۇرعىدا ۇشتالۋىنا باعىتتالعان ترەنينگتىك باعدارلامالار, دەنە شىنىقتىرۋ رەتىندە كۇندەلىكتى تاڭعى جاتتىعۋلار ۇيىمداستىرىلدى. سونىمەن قاتار «دامىعان مەملەكەتتەگى جاستاردىڭ مۇمكىندىكتەرى» تاقىرىبىنا پسيحولوگيالىق ترەنينگتەر جانە «كوشباسشىلىق قابىلەتتى دامىتۋ», «قازاقتىڭ سالت-ءداستۇرى الەمدىك كينودا» اتتى شىعارماشىلىق سايىستار دا ءوتتى.
لاگەر قورىتىندىسى بويىنشا قاتىسۋشىلار «مۇمكىندىكتەر مەكەنى» وبلىستىق جاستار لاگەرىنە قاتىسقانى ءۇشىن سەرتيفيكاتتارمەن ماراپاتتالدى. لاگەردىڭ بەلسەندى قاتىسۋشىلارى مەن بايقاۋلاردا ۇزدىك دەپ تانىلعان جاستارعا العىس حاتتار تابىس ەتىلدى.
جامبىل وبلىسى
