بەكىتىلگەن قاعيداعا سايكەس, ءوتىنىش بەرۋشى ساتىپ الۋ قۇقىعىنسىز جالعا بەرىلەتىن تۇرعىن جايدى الۋ ءۇشىن ۋاكىلەتتى ورگانعا مىناداي قۇجاتتاردى ۇسىنادى:
1) وسى قاعيدالارعا قوسىمشاعا سايكەس نىسان بويىنشا ءوتىنىش;
2) ءوتىنىش بەرۋشىنىڭ جەكە باسىن كۋالاندىراتىن قۇجاتتىڭ كوشىرمەسى (تۇپنۇسقا جەكە باسىن سايكەستەندىرۋ ءۇشىن ۇسىنىلادى);
3) ءبىلىمى تۋرالى قۇجاتتىڭ كوشىرمەسى;
4) نەكە قيۋ تۋرالى كۋالىكتىڭ كوشىرمەسى (بار بولسا);
5) بالالاردىڭ تۋ تۋرالى كۋالىگىنىڭ (تەرىنىڭ) كوشىرمەسى (بار بولسا);
6) ءوتىنىش بەرۋشىگە جانە وتباسىنىڭ بارلىق مۇشەلەرىنە جىلجىمايتىن م ۇلىكتىڭ جوق (بار) ەكەندىگى تۋرالى انىقتاما;
7) جۇمىس ورنىنان انىقتاما;
8) ءوتىنىش بەرۋشىنىڭ اي سايىنعى تابىسىن كەمىندە 40 (قىرىق) ايلىق ەسەپتىك كورسەتكىش مولشەرىندە راستايتىن سوڭعى التى اي ىشىندەگى تابىسى تۋرالى انىقتاما;
9) قازاقستان رەسپۋبليكاسى ەڭبەك كودەكسىنىڭ 35-بابىنا سايكەس ەڭبەك ءوتىلىن راستايتىن قۇجاتتار;
10) بانكتىك شوتتىڭ بولۋى جانە ءنومىرى تۋرالى انىقتاما جانە بانكتىك شوت بويىنشا اقشانىڭ قالدىعى جانە قوزعالىسى تۋرالى ءۇزىندى;
11) ءوتىنىش بەرۋشىنىڭ ءتۇرلى قىزمەت سالالارىنداعى جەكە جەتىستىكتەرىن راستايتىن قۇجاتتار (بار بولسا).
بالداردى ەسەپتەۋ بالدىق جۇيە بويىنشا جۇزەگە اسىرىلادى:
1) قازاقستان رەسپۋبليكاسى ۇكىمەتىنىڭ 2018 جىلعى 13 قاراشاداعى №746 قاۋلىسىمەن بەكىتىلگەن ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017 - 2021 جىلدارعا ارنالعان «ەڭبەك» مەملەكەتتىك باعدارلاماسىنا سايكەس حالىقتى جۇمىسپەن قامتۋ ماسەلەلەرى بويىنشا ۋاكىلەتتى ورگان بەكىتكەن نارىقتا 100 ء(جۇز) سۇرانىسقا يە كاسىپتەر تىزبەسىنە سايكەس كاسىپتى مەڭگەرگەن ءوتىنىش بەرۋشىگە –10 بالل;
2) وتباسى بولعان جاعدايدا – 5 بالل, نەكەدە تىركەلگەن ءاربىر جىلى ءۇشىن – 2 بالل;
3) 1 ء(بىر) بالا بولعان جاعدايدا – 1 بالل, ءاربىر كەيىنگى بالا ءۇشىن – 2 بالل;
4) جەكە كاسىپكەرلىك قىزمەتتى جۇزەگە اسىرعان كەزدە كەمىندە 1 جىل – 5 بالل, ءاربىر جىل ءۇشىن – 1 بالل;
5) ءوتىنىش بەرۋشىنىڭ ءتۇرلى قىزمەت سالالارىندا جەكە جەتىستىكتەرى بولعان جاعدايدا - 2 بالل;
6) بيۋدجەتتىك ۇيىمدارداعى ەڭبەك قىزمەتى ءۇشىن (مەملەكەتتىك مەكەمەلەردە مەن مەملەكەتتىك كاسىپورىنداردا) – 5 بالل, ءوتىلىنىڭ ءاربىر جىلى ءۇشىن – 1 بالل;
7) ەكىنشى دەڭگەيلى بانكتەردىڭ جيناق شوتتارىنداعى (دەپوزيتتەرىندەگى) جيناقتاردىڭ ءاربىر جىلى ءۇشىن – 2 بالل. بالدار تەڭ بولعان جاعدايدا ءوتىنىش بەرگەن كۇننەن بۇرىن ءوتىنىش بەرگەن ۇمىتكەرلەر باسىمدىققا يە بولادى. ساتىپ الۋ قۇقىعىنسىز جالعا بەرىلەتىن تۇرعىن ءۇي 5 جىل مەرزىمگە بەرىلەدى.
