ونىڭ ايتۋىنشا, ۇسىنىلعان ينۆەستيتسيالىق جوبالاردان باسىمدىق قازاقستاندىق قامتۋى جوعارى, قازاقستان ازاماتتارى ءۇشىن بارىنشا كوپ جۇمىس ورىندارىن قۇرۋدى قامتاماسىز ەتەتىن جوعارى تەحنولوگيالىق جوبالارعا بەرىلەدى. ج. قاسىمبەك بىرلەسكەن قازاقستاندىق-قىتايلىق جوبالار جاڭا جوبالار ەكەنىن, الداعى 5-6 جىلدا بارلىعى ىسكە اسىرىلاتىنىن جەتكىزدى.
«وسى زاۋىتتار, جاڭا جوبالار قازاقستان اۋماعىنا كوشىرىلەتىن «تازا ەمەس», ەسكى جوبالار دەگەن سيپاتتا اڭگىمەلەر ايتىلىپ ءجۇر. رەسمي تۇردە مالىمدەيمىن: ەشقانداي ەسكى زاۋىت نەمەسە قازاقستان اۋماعىنا كوشىرىلەتىن زاۋىت جوق. بۇل جوبالاردىڭ بارلىعى جاڭا جوبالار», — دەدى ج. قاسىمبەك.
ونىڭ ايتۋىنشا, جۋىردا عانا قاپشاعاي ماڭىندا بالامالى ەنەرگەتيكا ەلەكتر ستانتسياسى اشىلدى (كۇن ەنەرگەتيكاسى), وندا 30 ادام جۇمىس ىستەيدى, ولاردىڭ بارلىعى — قازاقستان ازاماتتارى.
«بۇل بالامالى ەنەرگەتيكا – اسا جاڭا جوبا. ءبىز بىرتىندەپ وعان كوشەتىن بولامىز. قازاقستاندا جىل سوڭىنا دەيىن جەل مەن كۇن ەسەبىنەن 1000 مەگاۆاتت قۋات وندىرىلەتىن بولادى. بۇل الەمدىك بەتالىستان ءبىز باس تارتا المايمىز. بارلىق اقپارات عالامتوردا, يدم سايتىندا بار. بۇل جەردە ەشقانداي قۇپيا جوق. تاعى دا ايتا كەتكىم كەلەدى, بۇل – جاڭا تەحنولوگيالار, ءبىر ەلدىڭ اۋماعىنان ەكىنشى ەلدىڭ اۋماعىنا كوشىرىلەتىن ەشقانداي “تازا ەمەس” نەمەسە ەسكى كاسىپورىندار جوق. بارلىق جوبالار جاڭا. جالپى, ءبىز وسى كاسىپورىندار جۇمىسى اياسىندا 20 مىڭعا دەيىن جاڭا جۇمىس ورىندارىن قۇرۋدى جوسپارلاپ وتىرمىز», — دەپ ءتۇسىندىردى قر پرەمەر-ءمينيسترىنىڭ ورىنباسارى.
ج. قاسىمبەكتىڭ مالىمدەۋىنشە, بۇگىندە 15 قازاقستان – قىتاي جوباسى ىسكە اسىرىلعان, جىل سوڭىنا دەيىن تاعى 5 جوبا جۇزەگە اسىرىلماق.
«اتالعان جوبالاردىڭ ەلىمىزدە قولعا الىنعانىنا ءبىرىنشى جىل بولىپ تۇرعان جوق. بۇگىندە 15 جوبا ىسكە اسىرىلعان. 20-عا جۋىق جوبا بەلسەندى ىسكە اسىرىلۋ ساتىسىندا تۇر. سوڭعى جىلدارى قىتايلىق ينۆەستيتسيالار ۇلەسى ءبىر دەڭگەيدە ساقتالىپ تۇر – 5-6%. ەش وزگەرىس بولمادى», — دەپ ول, جوبالار ماشينا جاساۋ, ونەركاسىپ, كولىك, اگروونەركاسىپ كەشەنى, ەنەرگەتيكا سالالارىندا ىسكە اسىرىلىپ جاتقانىن اتاپ ءوتتى.
بۇدان وزگە, ج. قاسىمبەك ەكولوگيالىق تالاپتارعا ساي كەلمەيتىن ءبىر دە ءبىر زاۋىت قازاقستاندا سالىنبايتىنىن ايتتى.
