ۇكىمەت • 04 قىركۇيەك، 2019

جولداۋدى ىسكە اسىرۋدىڭ جالپىۇلتتىق جوسپارى

93 رەت كورسەتىلدى

كەشە پرەمەر-مينيستر اسقار ءماميننىڭ توراعالىعىمەن وتكەن ۇكىمەت وتىرىسىندا مەملەكەت باسشىسىنىڭ «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» جولداۋىن ىسكە اسىرۋ شارالارى قارالدى. جولداۋدىڭ باستى بەس باعىتىن ورىنداۋ جولدارى انىقتالدى.

مەملەكەتتىك حولدينگتەردىڭ تيىمدىلىگى تەكسەرىلەدى

بيۋدجەتتىك-قارجىلىق باعىت بويىنشا پرەمەر-ءمينيستردىڭ ءبىرىنشى ورىنباسارى – قارجى ءمي­­نيسترى ءاليحان سمايىلوۆ بايان­دادى.

پرەزيدەنت جولداۋىندا 2025 جىلعا قاراي ىشكى جالپى ءونىم­نىڭ جىل سايىنعى ءوسىمىن كەمىن­دە 5%  دەڭگەيدە تۇراقتى قامتا­ما­سىز ەتۋگە مۇم­كىندىك بەرەتىن قۇرى­لىمدىق وزگەرىستەردى ىسكە اسىرۋ قاجەتتىگى ايتىلعان ەدى. ءا.سمايى­لوۆ بۇل ءۇشىن ەكونومي­كانى ءارتاراپتاندىرۋ جونىن­دەگى جۇمىس جالعاساتىنىن، مەملە­كەتتىك ورگانداردىڭ دا، كۆازيمەم­لەكەتتىك سەكتوردىڭ دا قىزمەتىنە فۋنكتسيونالدىق تالداۋ جۇرگىزۋ جانداناتىنىن ايتتى. سونداي-اق قازاقستاندىق جانە شەتەلدىك ساراپشىلاردىڭ زەرتتەۋلەرى مۇقيات تالدانباق.

ونىڭ ايتۋىنشا، باسىم مىن­دەت­تەردىڭ ءبىرى – كۆازيمەملەكەتتىك سەكتوردىڭ قايتارىمىن ارتتىرۋ.

«سامۇرىق-قازىنا» ۇلتتىق ءال-اۋقات قورىنىڭ وتكەن 14 جىل­داعى حالىقتىڭ ءال-اۋقاتىنىڭ وسۋىنە قوسقان ناقتى ۇلەسى باعا­لا­ناتىن بولادى. ۇكىمەت ەسەپ كومي­تە­تىمەن بىرگە ءۇش ايلىق مەرزىم­دە مەملەكەتتىك حولدينگتەر مەن ۇلتتىق كومپانيالاردىڭ تيىم­دىلىگىنە تالداۋ جۇرگىزەدى»، دەپ ناقتىلادى ءا.سمايىلوۆ.

جۇمىسسىزدىقتى ازايتۋ جا­نە اۋىل حالقىنىڭ ءومىر ءسۇرۋ دەڭ­گەيىن كوتەرۋ شەڭبەرىندە ۇلت­تىق قوردان 100 ملرد تەڭگەگە جۋىق قاراجات ءبولىندى. وسى جىل­دىڭ سوڭىنا دەيىن ميكرو جانە شا­عىن بيزنەس سۋبەكتىلەرىن نەگىز­گى قىزمەتى بويىنشا ءۇش جىل مەر­زىمگە سالىق تولەۋدەن بوساتۋعا زاڭنامالىق نەگىز ازىرلەنەدى. 2020 جىلدىڭ قاڭتارىنان باستاپ ولاردى تەكسەرۋگە ءۇش جىلدىق تىيىم سالۋ كۇشىنە ەنەدى.

سونىمەن قاتار قارجى مي­نيس­ترلىگى مەملەكەتتىك ساتىپ الۋ ماسە­لەلەرى بويىنشا زاڭ جوباسىن ازىر­لەدى، ول دا شاعىن بيزنەستى ىنتا­لاندىرۋعا باعىتتالعان. ماڭىزدى مىندەتتەردىڭ ءبىرى – بيۋدجەتتىڭ جانە ۇلتتىق قوردىڭ قاراجاتىن پايدالانۋدىڭ تيىمدىلىگىن ارتتىرۋ. وسىعان بايلانىستى ۇلتتىق بانك­پەن بىرلەسىپ اعىمداعى جىل­دىڭ سوڭىنا دەيىن ۇلتتىق قوردى ين­ۆەستيتسيالاۋ جانە پايدالانۋ ساپاسىن ارتتىرۋعا قاتىستى ناق­تى ۇسىنىستار ازىرلەنبەك. قار­جى مينيسترلىگى كەدەندىك اكىم­شى­لەندىرۋدى جاقسارتۋ جانە كۇشەيتۋ جونىندەگى كەشەندى جۇمىستى جال­عاستىرادى. مەملەكەتتىك ساتىپ الۋ جۇيەسى دە ودان ءارى جەتىل­دى­رىلەتىن بولادى.

«اۋداندىق، قالالىق جانە اۋىلدىق بيلىك دەڭگەيلەرى جەر­گى­لىكتى ماڭىزى بار مىندەتتەردى شەشۋدە ەكونوميكالىق جاعىنان نەعۇرلىم دەربەس بولۋى ءۇشىن ءتيىستى زاڭنامالىق اكتىلەر قابىل­دانادى» دەدى ءا.سمايىلوۆ.

ءبىلىم ساپاسى – باستى نازاردا

ءبىلىم بەرۋ ماسەلەسى بويىن­شا پرەمەر-ءمينيستردىڭ ورىنبا­سارى بەردىبەك ساپارباەۆ بايان­داما جاسادى. ونىڭ ايتۋىن­شا، 2019 جىلدىڭ سوڭىنا دەيىن «تىڭ­داۋشى مەملەكەت» تۇجى­رىم­­داماسى جانە ازاماتتىق قوعام­دى دامىتۋدىڭ 2025 جىلعا دەيىنگى تۇجىرىمداماسى جاسالادى. سون­داي-اق جىل سوڭىنا دەيىن كا­سىپتىك دياگنوستيكا مەن وقۋ­شى­­لاردىڭ بولاشاق مامان­دى­عىن تاڭداۋ باعدارىن ەسكەرە وتى­رىپ، ورتا ءبىلىم بەرۋ باعدارلا­ما­لارىن ازىرلەۋ جوسپارلانۋ­دا. قالا مەن اۋىل اراسىنداعى ءبىلىم سا­پاسىنداعى الشاقتىقتى ازايتۋ بويىنشا شارالار كەشەنى 2020 جىلى ازىرلەنەدى. شاعىن جيىن­تىقتى مەكتەپتەردى قارجىلان­دى­رۋدىڭ جاڭا مودەلى مەن تەتىگى، ء«موبيلدى مۇعالىم» جوباسى جاسالادى، ۇقساس ماماندىقتار بو­يىنشا پەداگوگتاردى دايارلاۋ شارالارى ەنگىزىلەدى.

اۋىل مەكتەپتەرىندە مۇعا­لىم­دەردىڭ جۇمىس جاعدايىن جاق­سارتۋ ءۇشىن وزگەرىستەر ەنگىزىلەدى. ۇكى­مەتكە دارىندى بالالاردى قولداۋ كارتاسىن ازىرلەۋ، سۇرا­نىسى جوق مامانداردى دايارلاۋ جاعدايىن تالداۋ تاپسىرىلدى» دەدى ب.ساپارباەۆ.

زەينەتاقى جيناقتارىنىڭ كىرىستىلىگىن ارتتىرۋ ماقساتىندا زەينەتاقى اكتيۆتەرىن ينۆەستيتسيالاۋ تاسىلدەرى 2019 جىلدىڭ سوڭىنا دەيىن قايتا قاراستىرىلادى. جۇ­­مىس ىستەيتىن ازاماتتاردىڭ زەي­نەت­اقى جيناقتارىنىڭ ءبىر بولىگىن پايدالانۋ مۇمكىندىگى تۋرالى، سون­داي-اق بيۋدجەتتەن تىس الەۋمەتتىك قامسىزداندىرۋ جۇيەسىن (بىر­ىڭعاي الەۋمەتتىك قور قۇرۋ جانە بىرىڭعاي الەۋمەتتىك تولەمدى ەن­گىزۋ ارقىلى) شوعىرلاندىرۋ بو­يىنشا ۇسىنىستار دايىنداۋ 2020 جىلعا جوسپارلانعان.

«بالالاردى قورعاۋدىڭ 2030 جىلعا دەيىنگى تۇجىرىمداماسى ازىرلەنەدى. وسى تۇجىرىمداما بويىنشا بالالار اراسىنداعى قىلمىس پەن سۋيتسيد كورسەتكىشىن تو­مەندەتۋ كوزدەلگەن. اتالعان با­عىت­تاعى جۇمىستار جەرگىلىكتى بي­لىك ورگاندارىمەن بىرلەسىپ جۇزە­گە اسىرىلادى. سونىمەن قاتار با­­لا­لاردىڭ جاعدايىن جاقسارتۋ يندەكسى ارتادى» دەدى ب.ساپارباەۆ.

زورلىق-زومبىلىقتى باس­تان وتكەرگەن بالالاردى قول­داۋ ءۇشىن وڭىرلەردە بالالار ورتا­­لىقتارى اشىلماق. اتال­عان تۇ­جىرىمداما اياسىندا ايەلدەردىڭ قۇقىعىن قورعاۋ شارالارى دا قاراستىرىلاتىن بولادى.

تۇرعىن ءۇي كەزەگىنىڭ بىرىڭعاي بازاسى جاسالادى

پرەمەر-ءمينيستردىڭ ورىنباسارى جەڭىس قاسىمبەك تۇرعىن ءۇي، سۋمەن جابدىقتاۋ، كوپپاتەرلى ۇيلەردى كۇردەلى جوندەۋدەن وتكىزۋ، اۆتوجولدار مەن اۆيابيلەتتەردىڭ قول­جەتىمدىلىگى ماسەلەلەرى جو­نىن­دە باياندادى. قازىرگى تاڭدا باس­پا­­نا الۋ ءۇشىن اكىمدىكتەردە 512 مىڭ­­­عا جۋىق ادام كەزەكتە تۇر ەكەن. بيىلعى جىلدىڭ سوڭىنا دە­يىن كەزەكتە تۇرعان ادامداردىڭ بىرىڭ­عاي رەسپۋبليكالىق بازاسى ەن­گى­زىلەدى. «نۇرلى جەر» باعدارلا­ما­سىن ىسكە اسىرۋ اياسىندا، ءبىرىن­شى كەزەكتە كوپ بالالى وتباسى­لارعا جالعا بەرىلەتىن باسپانالار بەرىلەدى.

«بۇل ءۇشىن ءبىز 2025 جىلعا دەيىن جىل سايىن 50 ملرد تەڭگە بولەمىز. جىل سايىن 3،7 مىڭ كەزەكتە تۇرعان الەۋمەتتىك جاعىنان وسال ادامداردى ساتىپ الۋسىز جال­عا بەرىلەتىن تۇرعىن ۇيمەن قام­تا­ماسىز ەتۋگە 32،8 ملرد تەڭگە­دەن ءبولۋ قاراس­تى­رىلعان. «با­قىت­تى وتباسى» باع­دار­لاماسى بو­يىنشا 6 مىڭ نەسيە بەرۋگە «تۇر­عىن­ۇيقۇرىلىسجيناقبانكى» ار­قىلى ءۇش جىلدا 50 ملرد تەڭگە بولىنەدى» دەدى ج.قاسىمبەك.

جولداۋدا ايتىلعان ماسەلە­لەر­دىڭ ءبىرى اۆيابيلەتتەرگە قاتىس­تى. تاريف قۇنىن ءتۇسىرۋ ماق­ساتىندا بيىلعى مامىر ايىندا العاشقى وتاندىق تومەن بيۋدجەتتى تاسىمالداۋشى «Fly Arystan» جۇمىسىن باستاعانى بەلگىلى. جىل سوڭىندا «Fly Arystan» رەيستەر سانىن كۇنىنە 14-تەن 28 جيىلىككە دەيىن ارتتىرۋ جوسپارلانىپ وتىر.

«سونىمەن قاتار «سامۇرىق-قازىنا» ۇلتتىق ءال-اۋقات قورى» اق-مەن بىرلەسىپ، ۇكىمەت اۋە كە­مەلەرى پاركىن ۇلعايتۋ ماقساتىندا «ەير استانا» جانە «Qazaq Air» اۆياكومپانيالارىن قوسىمشا كاپيتالداندىرۋدى جوسپارلاپ وتىر. تەمىر جول بيلەتتەرىنىڭ جەتىس­پەۋشىلىگىنىڭ الدىن الۋ ماق­ساتىندا بيلەتتەردى ساتۋدى تسيفر­لاندىرۋ جۇرگىزىلۋدە، بيلەتتەردى ساتۋ ءتارتىبىن رەتتەيتىن نورما ەن­گىزىلدى، تەمىر جول كولىگىمەن جولاۋ­شىلاردى تاسىمالداۋ جۇيەسىن جەتىلدىرۋ جوسپارى جاسالدى»، دەدى ج.قاسىمبەك.

ول «اۋىل – ەل بەسىگى» جوبا­سىنىڭ شەڭبەرىندە حالىقارالىق ساراپشىلارمەن جانە وڭىرلەرمەن بىرلەسىپ اۋىلداردىڭ الەۋەتىن انىقتاۋدىڭ جاڭا ادىستەمەسى ازىرلەنگەنىن جەتكىزدى. سونىڭ ناتيجەسىندە دامۋ الەۋەتى بار 3،5 مىڭ اۋىل ىرىكتەلدى. بۇل اۋىلداردا 6،6 ملن ادام نەمەسە ەلىمىزدەگى اۋىل حالقىنىڭ 85%-ى تۇرادى. اعىمداعى جىلى 30 ملرد تەڭگە ءبولىندى، ولار 700 مىڭعا جۋىق ادام تۇراتىن 53 اۋىلدىڭ ءبىرىنشى كەزەكتەگى ينفراقۇرىلىمدىق ماسەلەلەرىن شەشۋگە باعىتتالعان.

پرەمەر-ءمينيستردىڭ ورىن­باسارىنىڭ ايتۋىنشا، پرە­زيدەنت تاپسىرماسى بويىنشا «اۋىل – ەل بەسىگى» جوباسىن ىسكە اسىرۋعا 2020-2022 جىلدارى قوسىمشا 90 ملرد تەڭگە بولىنەتىن بولادى.

تاقىرىپتى قورىتىندىلاعان پرەمەر-مينيستر اسقار ما­مين مەملەكەت باسشىسىنىڭ جولداۋ­ىن ىسكە اسىرۋدى تولىعىمەن قار­جىلاي قامتاماسىز ەتۋ شارالارىن قابىلداۋ قاجەتتىگىن ايتتى.

«پرەزيدەنت تاپسىرمالارىن ورىنداۋعا بارلىق ءبىرىنشى باسشىلار دەربەس جاۋاپتى ەكەنىن ەسەپتەرىڭىزگە سالامىن. ءاربىر تاپسىرمانىڭ ورىندالۋى قاتاڭ باقىلاۋعا الىنىپ، ناقتى ورىندالاتىن مەرزىمى بەلگىلەنۋى قاجەت. ءبىز قويىلعان مىندەتتەردى ءتيىمدى اتقارۋ ءۇشىن ۇيلەسىمدى جۇمىس جۇرگىزۋىمىز كەرەك»، دەدى ا.مامين.

ۇكىمەت باسشىسى 7 قىركۇيەككە دەيىن مەملەكەت باسشىسىنىڭ جول­داۋىندا العا قويىلعان مىن­دەت­تەردى ىسكە اسىرۋدىڭ جالپى­ۇلتتىق جوسپارىنىڭ جوباسىن ازىرلەۋدى تاپسىردى.

وراق ناۋقانىنا ەكپىن بەرىلدى

سونداي-اق ۇكىمەت وتىرىسىندا كۇزگى جيىن-تەرىم جۇمىستارىن جۇرگىزۋ بارىسى قارالدى. بۇل جايلى اۋىل شارۋاشىلىعى ءمينيسترى ساپارحان وماروۆ باياندادى.

جالپى، كوكتەمگى ەگىس جۇمىس­تارى مەن وراق ناۋقانىن قارجى­لاندىرۋعا 60 ملرد تەڭگە كولەمىندە بيۋدجەتتىك نەسيە، 395 مىڭ توننا ارزانداتىلعان جانار-جاعارماي بولىنگەن، جانار-جاعارماي باعاسى نارىقتاعىدان 15 تەڭگەگە ارزان. 3،1 ملن گەكتار اۋماقتا اۋىل­شا­رۋاشىلىق داقىلدارىن وڭدەۋ­دى قولداۋ ءۇشىن 2169 اوك سۋبەك­تىسى قارجىلاندىرىلدى. س.وما­روۆ اتاپ وتكەندەي، «ازىق-ت ۇلىك كەلى­سىمشارت كورپوراتسياسى» اق 1 ملن تونناعا دەيىن استىق ساتىپ الۋدى جوسپارلاپ وتىر. مينيسترلىكتىڭ مالىمەتىنشە، بيىل ساپاسىنا قاراي استىقتىڭ باعاسى ءبىر تونناسىنا – 62 مىڭ تەڭگەدەن 70 مىڭ تەڭگەگە دەيىن بارادى.

1 قىركۇيەكتەگى جاعداي بويىنشا ەگىن جيناۋ جۇمىستارى رەس­پۋب­ليكانىڭ بارلىق وڭىرلەرىندە جۇرگىزىلىپ جاتىر. 2019 جىلى اۋىلشارۋاشىلىق داقىلدارى ەگىلگەن اۋماق كولەمى – 22،2 ملن گەكتار (2018 جىلعىدان 206 مىڭ گەكتارعا ارتىق). ءداندى داقىلدار – 15،4 ملن گەكتار (ونىڭ 11،4 ملن گەكتارى – بيداي)، مايلى داقىل­­دار 2،9 ملن گەكتار الاڭعا، ماقتا – 131،1 مىڭ گەكتارعا، قانت قىزىل­­شاسى – 19،6 مىڭ گەكتارعا، باقشا دا­قىلدارى – 452،4 مىڭ گەكتارعا، جەم-ءشوپ داقىلدارى – 3،3 ملن گەك­­تارعا ەگىلگەن. جامبىل، تۇركىس­تان وبلىستارىندا ءداندى داقىل­دار­دى جيناۋ اياقتالۋعا جاقىن. بۇل وڭىرلەردە استىق ءتۇسىمى ورتا ەسەپپەن گەكتارىنا 19 تسەنتنەردەن اينالدى. جالپى، ەلىمىز بويىنشا 4،5 ملن گەكتار اۋماقتان ءداندى داقىل جينالدى. ورتاشا ءتۇسىم 11،5 تسەنتنەردەن اينالىپ، 5،2 ملن توننا استىق باستىرىلدى.

پرەمەر-مينيستر اسقار مامين ەگىن وراعىن ساپالى جانە ۋاقىتىندا وتكىزۋ، ءبىرىنشى كەزەكتە اۋىلشارۋاشىلىق وندىرۋشىلەرىن جانار-جاعارمايمەن قامتاماسىز ەتۋ ءۇشىن بارلىق قاجەتتى شارالاردى قابىلداۋدى تاپسىردى.

«ەگىندى جيناپ بىتۋگە ۋاقىت از قالدى. نەگىزگى استىقتى وڭىرلەردە اۋا رايى تۇراقسىز بولىپ تۇر. سوندىقتان ەگىندى ۋاقىتىندا جيناۋمەن قاتار، جۇمىستى بارىن­شا شىعىنسىز ورىنداۋ وتە ما­ڭىزدى. جالپى، ەگىن وراعى ناۋقا­نىنىڭ بارىسى جامان ەمەس. ۇكى­مەت تاراپىنان قارجىلاي جانە ما­تەريالدىق-تەحنيكالىق قامتا­ماسىز ەتۋ ءۇشىن بارلىق قاجەتتى شەشىم قابىلداندى» دەدى اسقار مامين.

ۇكىمەت باسشىسى استىق ساق­تاۋ كاسىپورىندارىنىڭ ءونىمدى قوي­ماعا ۋاقتىلى قابىلداۋى قا­جەتتىگىنە جانە جينالعان استىقتى ساقتاۋدىڭ ءتيىستى شارالارىن قامتاماسىز ەتۋگە ەرەكشە نازار اۋداردى.

سوڭعى جاڭالىقتار

تاعى 1650 قازاقستاندىق ىندەت جۇقتىردى

كوروناۆيرۋس • بۇگىن، 09:00

سوفيادان ولجالى ورالدى

سپورت • بۇگىن، 08:40

جاس تەننيسشىلەر جارادى

تەننيس • بۇگىن، 08:32

تۇتىنۋشى قۇقىعىن قورعايدى

قازاقستان • بۇگىن، 08:27

ۇقساس جاڭالىقتار