الدىمەن ن.نىعماتۋلين جاڭا V سەسسيا جۇمىسى باستالعانىنا, مەملەكەت باسشىسى قاسىم-جومارت توقاەۆ ءوزىنىڭ العاشقى جولداۋىن پارلامەنتتە جاساعانىنا كوڭىل ءبولىپ, الداعى سەسسيانىڭ باسىمدىقتارىمەن قاتار, ەلباسىنىڭ قازاقستاندى دامىتۋ باعىتى بويىنشا ەلدى ودان ءارى نىعايتۋدىڭ نەگىزگى ماقساتتارى ايتىلعانىنا توقتالدى.
– سونىڭ ىشىندە ەكونوميكانى جاڭعىرتۋعا, حالىقتىڭ الەۋمەتتىك جاعدايىن كۇشەيتۋگە ەرەكشە نازار اۋدارىلدى. سوندىقتان الداعى سەسسيادا ءبىز پرەزيدەنت جولداۋىندا ايتىلعان ازاماتتاردىڭ قاۋىپسىزدىگىن قورعاۋ, شاعىن جانە ورتا بيزنەستى قولداۋ, جەمقورلىقپەن كۇرەس, ەكولوگيالىق ماسەلەلەر, باسقا دا جايتتاردى ساپالى زاڭدارمەن قامتاماسىز ەتەتىن بولامىز, – دەدى پالاتا سپيكەرى.
الداعى سارسەنبىدە دەپۋتاتتار نازارىنا ارمەنيامەن ازاماتتىق قورعانىس, توتەنشە جاعدايلاردىڭ الدىن الۋ جانە ولاردى جويۋ سالاسىنداعى ىنتىماقتاستىق تۋرالى ۇكىمەتارالىق كەلىسىمدى راتيفيكاتسيالاۋ تۋرالى زاڭ جوباسى ۇسىنىلادى.
سونىمەن قاتار وسى كۇنى بىرقاتار ماڭىزدى قۇجات جۇمىسقا الىنادى. ولاردىڭ قاتارىندا «استانا» حالىقارالىق قارجى ورتالىعى تۋرالى» كونستيتۋتسيالىق زاڭعا تۇزەتۋلەر ەنگىزۋگە قاتىستى كونستيتۋتسيالىق زاڭ جوباسى, ۇلتتىق قوردان 2020-2022 جىلدارعا ارنالعان كەپىلدەندىرىلگەن ترانسفەرت تۋرالى, رەسپۋبليكالىق جانە وبلىستىق بيۋدجەتتەر, رەسپۋبليكالىق ماڭىزى بار قالالار, استانا بيۋدجەتتەرى اراسىنداعى 2020-2022 جىلدارعا ارنالعان جالپى سيپاتتاعى ترانسفەرتتەردىڭ كولەمى تۋرالى, 2020-2022 جىلدارعا ارنالعان رەسپۋبليكالىق بيۋدجەت تۋرالى زاڭ جوبالارى بار.
سونداي-اق «پەداگوگ مارتەبەسى تۋرالى» جانە وعان ىلەسپە زاڭ جوباسى, ەڭبەك, تۋريستىك قىزمەت ماسەلەلەرىنە قاتىستى تۇزەتۋلەرگە ارنالعان زاڭ جوبالارى بويىنشا جانە قىلمىستىق جولمەن الىنعان كىرىستەردى زاڭداستىرۋعا (جىلىستاتۋعا) جانە تەرروريزمدى قارجىلاندىرۋعا قارسى ءىس-قيمىل ماسەلەلەرى بويىنشا تۇزەتۋلەرگە قاتىستى قورىتىندى ازىرلەۋ مەرزىمى بەلگىلەنەتىن بولادى.
وسى كۇنى دەپۋتاتتار بىرقاتار راتيفيكاتسيالىق زاڭ جوبالارىن دا جۇمىسقا الماق. اتاپ ايتساق, ولار: برازيليامەن قىلمىستىق ىستەر بويىنشا ءوزارا قۇقىقتىق كومەك تۋرالى, موڭعوليامەن سوتتالعان ادامداردى بەرۋ تۋرالى شارتتاردى, وزبەكستانمەن زاڭسىز كوشى-قونعا قارسى كۇرەستەگى ىنتىماقتاستىق تۋرالى, تۇركيامەن اسكەري ىنتىماقتاستىق تۋرالى كەلىسىمدەردى راتيفيكاتسيالاۋ تۋرالى, سونداي-اق شانحاي ىنتىماقتاستىق ۇيىمىنىڭ ەكسترەميزمگە قارسى ءىس-قيمىل جونىندەگى كونۆەنتسياسىن, 2014 جىلعى 29 مامىرداعى ەاەو تۋرالى شارتقا قىرعىز رەسپۋبليكاسىنىڭ قوسىلۋىنا بايلانىستى قىرعىز رەسپۋبليكاسىنىڭ 2014 جىلعى 29 مامىرداعى ەۋرازيالىق ەكونوميكالىق وداق تۋرالى شارتتى, ەۋرازيالىق ەكونوميكالىق وداقتىڭ قۇقىعىنا كىرەتىن جەكەلەگەن حالىقارالىق شارتتاردى جانە ەۋرازيالىق ەكونوميكالىق وداق ورگاندارىنىڭ اكتىلەرىن قولدانۋ جونىندەگى جاعدايلار مەن وتپەلى ەرەجەلەر تۋرالى 2015 جىلعى 8 مامىردا قول قويىلعان حاتتاماعا وزگەرىس ەنگىزۋ تۋرالى حاتتامانى راتيفيكاتسيالاۋ تۋرالى, رەسەيمەن «بايقوڭىر» كەشەنىن جالعا بەرۋ شارتىنا وزگەرىس ەنگىزۋ تۋرالى ۇكىمەتارالىق حاتتامانى جانە «بايقوڭىر» كەشەنىن گازبەن جابدىقتاۋ تۋرالى, ت.ب. زاڭ جوبالارى.
