ەرجان يمانزايىپوۆتى تانىستىرۋ كەزىندە ايماق باسشىسى ونىڭ كانديداتۋراسى قازاقستان رەسپۋبليكاسى پرەزيدەنتىنىڭ اكىمشىلىگىمەن جانە قالالىق ءماسليحات دەپۋتاتتارىمەن كەلىسىلگەنىن ايتتى.
ەرجان يمانايىپوۆ 1984 جىلى دۇنيەگە كەلگەن. ەكى جوعارى ءبىلىمى بار. 2006 جىلى س.تورايعىروۆ اتىنداعى پاۆلودار مەملەكەتتىك ۋنيۆەرسيتەتىن «ونەركاسىپتىك جىلۋ ەنەرگەتيكاسى» ماماندىعى بويىنشا, 2010 جىلى - الماتى ەكونوميكا جانە ستاتيستيكا اكادەمياسىن «قارجى» ماماندىعى بويىنشا اياقتادى.
ەڭبەك جولىن 2006 جىلى پاۆلودار قالاسىنىڭ تۇرعىن ءۇي-كوممۋنالدىق شارۋاشىلىعى, جولاۋشىلار كولىگى جانە اۆتوموبيل جولدارى ءبولىمىنىڭ باس مامانى بولىپ باستادى.
2006 جىلدان 2007 جىعا دەيىن قازاقستان رەسپۋبليكاسىنىڭ يندۋستريا جانە ساۋدا مينيسترلىگى قۇرىلىس جانە تۇرعىن ءۇي - كوممۋنالدىق شارۋاشىلىق ىستەرى جونىندەگى كوميتەتتىڭ جەتەكشى مامانى قىزمەتىن اتقاردى. 2007 - 2011 جىلدارى - قازاقستان رەسپۋبليكاسى تابيعي مونوپوليالاردى رەتتەۋ اگەنتتىگىنىڭ جەتەكشى مامانى, ساراپشىسى قىزمەتتەرىن اتقاردى. 2011 جىلدان 2013 جىلعا دەيىن - اقمولا وبلىسى بويىنشا تابيعي مونوپوليالاردى رەتتەۋ دەپارتامەنتى ديرەكتورىنىڭ ورىنباسارى, 2013 جىلدان 2014 جىلعا دەيىن - قازاقستان رەسپۋبليكاسى تابيعي مونوپوليالاردى رەتتەۋ اگەنتتىگىنىڭ باسقارما باسشىسى, ديرەكتوردىڭ ورىنباسارى بولىپ جۇمىس ىستەدى.
2014 جىلدان 2016 جىلعا دەيىن - پاۆلودار قالاسى اكىمىنىڭ ورىنباسارى, 2016 جىلدان 2017 جىلعا دەيىن ەكىباستۇز قالاسى اكىمىنىڭ ورىنباسارى قىزمەتتەرىن اتقاردى.
2017 جىلعى قاراشا ايىنان بەرى پاۆلودار وبلىسى ەنەرگەتيكا جانە تۇرعىن ءۇي - كوممۋنالدىق شارۋاشىلىق باسقارماسىنىڭ باسشىسى بولدى.
