«بەينەۋ – شىمكەنت گاز قۇبىرى» جشس وسى قاراجاتتى قىتاي دامۋ بانكى مەن قىتاي بانكىنەن 2012 جىلى الىنعان كرەديتتىك مىندەتتەمەلەردى قايتا قارجىلاندىرۋعا جۇمسايدى. قارجىلاندىرۋدى ۇيىمداستىرۋشىلار رولىندە MUFG Bank, Ltd (جاپونيا) جانە Bank of China, Ltd (قحر) بانكتەر جۇمىس ىستەدى.
«قازمۇنايگاز» ۇك اق مەن «قازترانسگاز» اق كەپىلدىكتەرى بشگق ءۇشىن تومەندەتىلگەن پايىزدىق مولشەرلەمە بويىنشا اناعۇرلىم تارتىمدى تالاپتاردا قارىزدىق قارجىلاندىرۋ تارتۋعا مۇمكىندىك بەردى. سونىڭ ناتيجەسىندە سىياقى تولەۋ بويىنشا شىعىستار جىلىنا 10 ملن اقش دوللارىنا قىسقارادى. قارىزدى قايتا قارجىلاندىرۋ ەلىمىزدەگى ينفراقۇرىلىمدىق ءىرى جوبانى قارجىلاندىرۋ تالاپتارىن جاقسارتۋعا جانە قارىز الۋ مەرزىمدەرىن قىسقارتۋعا مۇمكىندىك بەرەدى. وسىلايشا, رەزەرۆتىك شوتتان ەلەۋلى اقشا قاراجاتى بوساتىلادى جانە «تاسىمالدا نەمەسە تولە» تالاپتارى نەگىزىندە گاز تاسىمالداۋعا شارت جاساسۋ قاجەتتىلىگى بولمايدى. وسى كرەديتتىك كەلىسىم ۇلتتىق وپەراتور «قازترانسگاز» اق-نىڭ قارىزدىق جۇكتەمەسىن ەلەۋلى تۇردە تومەندەتۋگە ىقپال ەتپەك. كەلەسى كەزەكتە اتالعان قارىزدى ۆاليۋتالىق تاۋەكەلدى ازايتۋ ماقساتىندا قارىز قاراجاتتى تەڭگەمەن تارتۋ ارقىلى قايتا قارجىلاندىرۋ جوسپارلانىپ وتىر.
جالپى, ىرگەلى حالىقارالىق بانكتەرمەن قارجىلىق كەلىسىم جونىندەگى تارتىمدى تالاپتار قازاقستاننىڭ گاز سالاسىنىڭ كرەديتتىك سەنىمدىلىگى مەن ينۆەستيتسيالىق تارتىمدىلىعى جوعارى باعالاناتىنىن بىلدىرەدى. سونىمەن قاتار وسى كەلىسىمگە قول قويۋ حالىقارالىق قارجى ينستيتۋتتارىمەن سەرىكتەستىك قاتىناستاردى دامىتۋ تۇرعىسىنان دا اسا ماڭىزدى.
ايتا كەتەلىك, «بەينەۋ – بوزوي – شىمكەنت» گاز قۇبىرى – تاۋەلسىز قازاقستان تاريحىنداعى ەڭ ءىرى قۇبىر جەلىسى سانالادى جانە مەملەكەتتىڭ ەنەرگەتيكالىق قاۋىپسىزدىگىن ارتتىرۋدا ماڭىزدى ءرول اتقارۋعا ءتيىس. «بەينەۋ – بوزوي – شىمكەنت» مگق قۇرىلىسى ارقىلى قازاقستان 3 ماڭىزدى مىندەتتى شەشە الدى. ياعني, وڭتۇستىككە گازدى تۇراقتى جەتكىزۋدى قامتاماسىز ەتۋ, ەلدىڭ گاز تاسىمالداۋ بىرىڭعاي جۇيەسىن قۇرۋ جانە قازاقستاندىق گازدى سىرتقى نارىقتارعا ەكسپورتتاۋدى ارتتىرۋ. قۇبىر ديامەترى 1067 ميليمەترلىك گاز قۇبىرىنىڭ باعىتى ماڭعىستاۋ, اقتوبە, قىزىلوردا جانە تۇركىستان وبلىستارىنىڭ اۋماعى بويىنشا وتەدى.
