كەزدەسۋدە قازاقستاننىڭ تۇڭعىش پرەزيدەنتىنە «Nur Otan» پارتياسى قالالىق فيليالىنىڭ پارتيا جۇمىسىن جۇيەلى جاڭعىرتۋ باعدارلاماسى بويىنشا جوسپارلارى باياندالدى.
ب.ساعىنتاەۆ ەلباسىنا پارتيانىڭ قالالىق فيليالى ساياسي كەڭەسىنىڭ كەڭەيتىلگەن وتىرىسىنىڭ ناتيجەلەرى جونىندە مالىمەت بەردى.
«Nur Otan» توراعاسى پرەزيدەنت پەن پارتيانىڭ سايلاۋالدى تۇعىرناماسىنىڭ, سونداي-اق سەزدەردە قابىلدانعان شەشىمدەردىڭ ساپالى ورىندالۋىن قاداعالاۋدى قامتاماسىز ەتۋدى تاپسىردى.
سونىمەن بىرگە, قازاقستاننىڭ تۇڭعىش پرەزيدەنتى پارتيا الاڭىندا ازاماتتىق قوعام مەن مەملەكەتتىك ورگانداردىڭ ءتيىمدى ءوزارا ءىس-قيمىلى ءۇشىن جاعداي جاساۋدىڭ ماڭىزدىلىعىنا ەرەكشە نازار اۋداردى.
سونداي-اق, كەزدەسۋ بارىسىندا «Nur Otan» فراكتسياسىنىڭ قالالىق ماسليحاتتاعى ءرولىن ارتتىرۋ, سىبايلاس جەمقورلىققا قارسى جۇمىستى كۇشەيتۋ جانە «Jas Otan» جاستار قاناتىنىڭ بەلسەندىلىگىن ارتتىرۋ ماسەلەلەرى تالقىلاندى.
