جالپى Tax free جۇيەسى الماتىداعى شەتەلدىك تۋريستەر سانىن جىلىنا 25 مىڭعا ۇلعايتۋعا سەپ بولماق. ولار ءوز كەزەگىندە برەندتىك تاۋار ءۇشىن 1 مىڭنان 10 مىڭ دوللارعا دەيىن قارجى جۇمسايدى دەپ كۇتىلۋدە. ساۋدا-ساتتىقتان بولەك, تۋريستەر الدىمەن قازاقستانعا ساپارلاتۋ ءۇشىن جول-پ ۇلى مەن تۇراتىن ورىنعا, سونداي-اق وزگە دە تۋريستتىك قىزمەتتەرگە قوسىمشا قاراجات قۇياتىنى بەلگىلى.
قاناتقاقتى جوبا وڭ ناتيجە بەرگەن جاعدايدا Tax free جۇيەسى قازاقستاننىڭ وزگە دە وڭىرلەرىندە ىسكە قوسىلادى. وسىلايشا, قازاقستاندى ورتالىق ازياداعى شوپپينگ-ءتۋريزمنىڭ ورتالىعىنا اينالدىرۋ كوزدەلىپ وتىر. شەتەلدىك تۋروپەراتورلار سالىق سومماسىن قايتارۋدىڭ جۇيەسى ەنگىزىلمەگەن ەلدەرگە تۋريستتىك باعىتتاردى جاسامايتىنى انىق. سوندىقتان, قازاقستان بۇل مۇمكىندىكتى ءتيىمدى قولدانۋعا مۇددەلى.
سالىقتى قايتارۋ جۇيەسى تۋريزم دامىعان مەملەكەتتەردە جاقسى جولعا قويىلعان. ستاتيستيكالىق مالىمەتتەرگە سۇيەنسەك, Tax free جۇيەسىن ەنگىزگەننەن كەيىن تۋريستەر اعىلىپ كەلىپ, ساۋدا اينالىمىن ەسەلەپ ارتتىرۋعا سەپتىگىن تيگىزدى. جۇيەنى ىسكە قوسۋ ارقىلى قازاقستانعا جىلىنا 300 مىڭ تۋريست تارتۋ جوسپارلانۋدا. ودان تۇسەتىن پايدانى 2025 جىلعا دەيىنگى 198 ملرد. جەتكىزۋ كوزدەلىپ وتىر.
ەستەرىڭىزگە سالا كەتسەك, تۋريزم سالاسىن دامىتۋدىڭ 2019-2025 جىلدارعا ارنالعان مەملەكەتتتىك باعدارلامانىڭ اياسىندا Tax free جۇيەسىن اۋەلدە 2022 جىلدان كەيىن ەنگىزۋ كوزدەلگەن ەدى. الايدا «Kazakh Tourism» ۇك» او جانىنان قۇرىلعان جوبالاۋ كەڭسەسىنىڭ تىكەلەي ارالاسۋىمەن قاناتقاقتى جوبا بەلگىلەنگەن مەرزىمنەن بۇرىن ىسكە قوسىلاتىن بولدى.
