قوعام • 23 تامىز، 2019

دەپۋتات ب.مامراەۆ: سىبايلاس جەمقورلىقتى تومەن ەڭبەكاقى الۋمەن اقتاۋ — قىلمىس

27 رەتكورسەتىلدى

بۇگىن ۇكىمەتتە وتكەن ءباسپاسوز كونفەرەنتسياسىندا قازاقستان رەسپۋبليكاسى پارلامەنتى ءماجىلىسىنىڭ دەپۋتاتى بەيبىت مامراەۆ باق وكىلدەرىنە ءوزىنىڭ پىكىرىنشە قر تۇڭعىش پرەزيدەنتى – ەلباسى ن. ءا. نازارباەۆ Nur Otan پارتياسىنىڭ ساياسي كەڭەسىنىڭ كەڭەيتىلگەن وتىرىسىندا العا قويعان مىندەتتەرى قالاي ىسكە اسىرىلۋى ءتيىس ەكەنى جايىندا ايتىپ بەردى. بۇل تۋرالى primeminister.kz حابارلادى. 

«بۇگىندە كۇن تارتىبىندە – سىبايلاس جەمقورلىققا قارسى كۇرەستە بۇكىل قوعامنىڭ كۇشىن بىرىكتىرۋ. قىسقاشا ايتقاندا، ءبىز بۇكىل قوعام بولىپ وسى ماسەلەمەن اينالىسىپ، ونىڭ شەشىلۋ جولدارىن ىزدەۋىمىز كەرەك. سىبايلاس جەمقورلىقتى جالاقىنىڭ ازدىعىمەن اقتاۋ – بۇل قىلمىس»،- دەپ پارلامەنت ءماجىلىسىنىڭ دەپۋتاتى ءوزىنىڭ ۇستانىمىن جەتكىزدى.

ونىڭ ايتۋىنشا، جىل سايىن بيۋدجەتتى بەكىتۋ كەزىندە پارلامەنت ءبىلىم بەرۋ جۇيەسىنە ەلەۋلى قارجى بولەدى. پارلامەنت دەپۋتاتى بۇل قاراجات تيىمدىرەك جۇمسالادى دەگەن سەنىمدە.

«ماسەلە ساندا ەمەس، ساپادا. الەۋمەتتىك ساياسات ەڭ الدىمەن ەكونوميكاعا نەگىزدەلگەن. بولاشاق تۇلەكتەرىنىڭ باسىم كوپشىلىگى ەكونوميكانىڭ ناقتى سەكتورىندا جۇمىس ىستەيدى. ولار وزدەرىن مەملەكەتتىك باسقارۋ جۇيەسىندە عانا ەمەس، سونىمەن بىرگە قوعامنىڭ رۋحاني، ماتەريالدىق قۇندىلىقتارىن قۇرۋ جۇيەسىندە جۇرگەندەرىن سەزىنۋى كەرەك»،- دەدى بەيبىت مامراەۆ.

ەسكە سالا كەتەيىك، 21 تامىزدا نۇر-سۇلتان قالاسىندا قازاقستاننىڭ تۇڭعىش پرەزيدەنتى – ەلباسى نۇرسۇلتان نازارباەۆ پەن مەملەكەت باسشىسى قاسىم-جومارت توقاەۆتىڭ قاتىسۋىمەن «Nur Otan» پارتياسىنىڭ ساياسي كەڭەسىنىڭ كەڭەيتىلگەن وتىرىسى ءوتتى. ساياسي كەڭەس وتىرىسىنىڭ كۇن تارتىبىنە ءۇش ماسەلە قويىلدى: پارتيانىڭ سايلاۋالدى باعدارلاماسىن ىسكە اسىرۋ بارىسى جانە سەزدەر شەشىمدەرىنىڭ ورىندالۋى، پارتيانى قايتا جۇكتەۋدىڭ نەگىزگى باعىتتارى جانە ساياسي كەڭەس بيۋروسىنىڭ قۇرامىنا وزگەرىستەر ەنگىزۋ تۋرالى. 

سوڭعى جاڭالىقتار

ۇقساس جاڭالىقتار