اتالمىش جوبانىڭ باستى ماقساتى وسكەلەڭ ۇرپاقتىڭ الدىنان كەڭ جول اشىپ, شەتەل تىلدەرىن كەڭىنەن ناسيحاتتاۋ. كۋرستا بالالار تىلدىك داعدىلارعا وتە قىزىعۋشىلىق تانىتىپ, ءتىل ۇيرەنۋگە ۇمتىلىپ وتىر. زەيىندى بالالار بىرنەشە ساباقتان سوڭ ءتىل سىندىرىپ, نەگىزگى سويلەمدەردى ايتا الادى.
بالالارمەن جۇمىس ىستەۋ, ولاردىڭ بالاڭ قيالدارىن ۇشتاۋ وتە قىزعىلىقتى. وقىتۋشى اينا جۇماباەۆا بالا جانىن باۋرايتىن, قىزىقتىرا بىلەتىن كاسىبي ءتاسىل دايىندادى. ول ءتاسىل ساباقتا وقىعان سوزدەرگە بايلانىستى ءارتۇرلى سۋرەتتەر سالۋ. وقىتۋشىنىڭ ويىنشا, وسىنداي ءتاسىل ارقىلى بالالار ءتىل ۇيرەنۋدى تەزىرەك يگەرەتىن بولادى. وعان قوسا, بالالار شەتەل تىلدەرىندەگى ءارالۋان اندەردى تىڭدايدى. ءان تىڭداۋ دا بالالاردىڭ قابىلداۋ قابىلەتىن جەتىلدىرە تۇسپەك.
