ايماقتار • 16 تامىز، 2019

اقمولادا 6 مەكتەپ پايدالانۋعا بەرىلەدى

45 رەتكورسەتىلدى

جاڭا وقۋ جىلىندا ءبىلىم وشاعىنا 124 مىڭنان استام وقۋشى بارماق. ولاردىڭ  16 مىڭى ءبىرىنشى سىنىپ  وقۋشىلارى.  

وتكەن جىلمەن سالىستىرعاندا 3 مىڭ بالاعا كوپ. وسى دەرەكتىڭ استارىندا ۇلكەن ءمان بار. بالا سانى كوبەيىپ كەلەدى.  ەندىگى ءبىر جاي ول الەۋمەتتىك جاعىنان از قامتىلعان وتباسىلاردىڭ جاڭا وقۋ جىلىنا دايىندىعى. وبلىستىق ءبىلىم باسقارماسىنىڭ مالىمەتىنە قاراعاندا، ازىرشە الاڭدايتىن ەشتەڭە جوق. «مەكتەپكە جول» قايىرىمدىلىق اكتسياسى اياسىندا وڭىردەگى از قامتىلعان وتباسىلاردىڭ بالالارىن مەكتەپكە دايىنداۋ ءۇشىن مەملەكەت پەن جەكە كاسىپكەرلەر تاراپىنان 52 ميلليون تەڭگە قاراجات ءبولىنىپ وتىر. باعدارلاما اياسىندا 4 مىڭنان استام وقۋشىنى مەكتەپكە تولىعىمەن دايىنداعان. قىلقالام مەن مەكتەپ فورماسىنا دەيىن قامتىلعان.  

– وبلىستا 13 مىڭنان استام الەۋمەتتىك جاعىنان از قامتىلعان وتباسىنا بالالارى بار. ولاردىڭ بارلىعى «مەكتەپكە جول» اكتسياسى اياسىندا قاجەتتى وقۋ قۇرالدارىمەن تولىق قامتىلاتىن بولادى. مەملەكەتتىك ۇيىمدار مەن جەكە كاسىپكەرلەر تاراپىنان مەكتەپ وقۋشىلارىنا كومەك جاسالۋدا،–دەيدى وبلىستىق ءبىلىم باسقارماسى باسشىسىنىڭ ورىنباسارى بوتاگوز دۇيسەنوۆا،.

ءبىر وكىنىشتىسى، بيىل وبلىستىڭ اتباسار، بۇلاندى جانە ءبىرجان سال اۋداندارىنداعى كەيبىر ەلدىمەكەندەردە ورنالاسقان بىرنەشە باستاۋىش مەكتەپتەر جابىلماق. وعان بالا سانىنىڭ ازدىعى سەبەپ. ماسەلەن، ءار مەكتەپتە 3-4 بالادان. ول وقۋشىلار كورشى ەلدى مەكەندەرگە بارىپ ءبىلىم الادى. ۇستىمىزدەگى جىلى 12 ءبىلىم بەرۋ ۇيىمدارىندا كۇردەلى جوندەۋ جاسالعان. مامانداردىڭ ايتۋىنشا،  ءبىلىم وردالارىنىڭ جوندەۋ جۇمىسىنا رەسپۋبليكا جانە جەرگىلىكتى بيۋدجەت قاراجاتىنان 1،3 ميلليارد تەڭگە قاراجات  بولىنگەن.  

–قازىر وبلىستا 6 مەكتەپ سالىنىپ جاتىر. ولاردىڭ بىرەۋى، ياعني ششۋچينسك قالاسىنداعى 800 ورىندىق مەكتەپ وقۋ جىلىنىڭ باسىندا پايدالانۋعا بەرىلەدى. ال جىل سوڭىنا دەيىن تسەلينوگراد اۋدانىندا 3 مەكتەپتىڭ قۇرىلىسى اياقتالادى،–دەيدى وبلىستىق ءبىلىم باسقارماسى باسشىسىنىڭ ورىنباسارى ۆالەري گامازوۆ، 

جاڭا وقۋ جىلىندا 6 مىڭعا جۋىق وقۋشىنى 182 اۆتوبۋسپەن تاسىمالداۋ ۇيىمداستىرىلادى، ونىڭ 5-ءى اعىمداعى جىلى ساتىپ الىنعان. سونىمەن قاتار وبلىس مەكتەپتەرى پەداگوگيكالىق كادرلارمەن تولىق قامتىلعان.

سوڭعى جاڭالىقتار

ەلوردادا جالپى جاعداي تۇراقتى

كوروناۆيرۋس • بۇگىن، 14:50

فۋتبول ماۋسىمى جالعاسا ما؟

سپورت • بۇگىن، 14:48

الەمدەگى احۋال قانداي؟

كوروناۆيرۋس • بۇگىن، 10:57

قىزىلوردا: تاعى 3 ادام تىركەلدى

ايماقتار • بۇگىن، 09:57

مما: UFC-ءدى سىنعا الدى

سپورت • بۇگىن، 09:20

جۇدىرىقتاي جۇمىلايىق

رۋحانيات • بۇگىن، 07:45

ۇقساس جاڭالىقتار