باسپاناسىز قالعان 27 قىزمەتكەر قازاقستاندىق شيپاجايلارعا جىبەرىلدى. تەمىرجولشى بالالارىنا ساۋىقتىرۋ لاگەرلەرىنە تەگىن جولدامالار تابىستالدى.
سونداي-اق سالالىق كاسىپوداقپەن ارىستاعى قىزمەتكەرلەردىڭ 50 بالاسىنا نۇر – سۇلتان قالاسىنا ساياحاتتاۋ-وڭالتۋ تۋرى ۇيىمداستىرىلدى. تۋر بارىسىندا بالالارعا قولداۋ كورسەتۋ ءۇشىن پسيحولوگتار جانە وزگە دە ماماندار جۇمىس ىستەيتىن بولادى.
كومپانيا قىزمەتكەرلەرىنىڭ اراسىندا «قامكورشى - تەمىرجولشى» الەۋمەتتىك قوزعالىسى دا كەڭ قولداۋعا يە. قتج قىزمەتكەرلەرى ۇلكەن كولەمدە شارۋاشىلىق تاۋارلارىن, توسەك كەرەك-جاراقتارىن, ازىق ت ۇلىك پەن كيىم-كەشەك جينادى جانە ولاردى ارىسقا جونەلتتى.
بۇدان باسقا, جاپا شەككەندەرگە كومەك كورسەتۋ ءۇشىن تۇركىستان وبلىسى اكىمدىگى جانىنداعى «تۇركىستان» كورپوراتيۆتىك الەۋمەتتىك دامۋ قورىنا 70 ميلليون تەڭگە اۋدارىلدى.
جاس تەمىرجولشىلار باستاماسىمەن «بالالاردى مەكتەپكە دايىندايمىز» قايىرىمدىلىق جوباسى ىسكە قوسىلدى. ءبىلىم كۇنى قارساڭىندا كەنسەلىك تاۋارلار مەن مەكتەپ كەرەك-جاراقتارى ارىس قالاسىنداعى تەمىرجولشىلار بالالارىنا جەتكىزىلەتىن بولادى. اتالعان اكتسيا جالعاسىن تابادى.
