بۇگىنگى تاڭدا قالانى قالپىنا كەلتىرۋ جۇمىستارىنا بار كۇش-مۇمكىندىگىن جۇمىلدىرعان اقمولالىق 300-دەن استام قۇرىلىسشىلار قارقىندى ەڭبەك ەتۋدە. 17-ءشى اۋماق اقمولا وبلىسى مەن قازىعۇرت اۋدانىنىڭ ەنشىسىنە بەكىتىلگەن. بۇل جەردە 18 ءىرى قۇرىلىس كومپانياسى جىگەرلى جۇمىس ىستەۋدە. 300-دەن استام ءۇيدىڭ 205-ءى جوندەلۋدە. 48 تۇرعىن ءۇيدىڭ جوندەۋ جۇمىستارى تولىق اياقتالىپ, 72 ءۇيدىڭ شاتىرى اۋىستىرىلىپ جاتىر.
– اقمولالىق قۇرىلىسشىلاردىڭ جۇمىسى وتە تياناقتى,– دەيدى قازىعۇرت اۋدانى اكىمىنىڭ ورىنباسارى سەرىك نۇرمانوۆ,– جەكە سەكتورداعى بەس كوپقاباتتى تۇرعىن ءۇيدىڭ جۇمىستارى 1 تامىزعا دەيىن تولىعىمەن اياقتالدى. تۇرعىندار دا قۇرىلىس جۇمىستارىنىڭ ساپاسىنا ءدان رازى.
ارىس قالاسىنداعى جەڭىس كوشەسىنىڭ تۇرعىندارى ءاسىل تاڭىربەرگەن, ساۋلە تىلەۋليەۆا اقمولا وبلىستىق توتەنشە جاعدايلار قىزمەتىنىڭ وكىلى ميحايل ۆەرسين قۇرىلىسشىلاردىڭ قاجىرلى ەڭبەكتەرىنە كوڭىلدەرى تولاتىنىن جەتكىزۋدە. جوسپار بويىنشا جۇيەلى جۇمىس ىستەپ جاتقان قۇرىش قولدى قۇرىلىسشىلار وزدەرىنە بەكىتىلگەن ۋچاسكەدەگى قۇرىلىس جوندەۋ جۇمىسىن مەرزىمىنەن بۇرىن ورىندايمىز دەپ قۇلشىنىپ وتىر.
