بايگە شارتى بويىنشا قاتىسۋشىلار وزدەرىنىڭ تۋعان قالالارى نەمەسە اۋىلدارى تۋرالى قىسقاشا بەينەروليك ءتۇسىرۋى كەرەك. ءوز تۋىندىسىندا تۋعان جەرى تۋرالى, ونىڭ قىزىقتى نەمەسە ماڭىزدى جەرلەرى تۋرالى بايانداپ, تۋعان جەرىنىڭ تۋريستەر ءۇشىن قانداي قىزىقتارى بارتۋرالى ايتىپ بەرۋى قاجەت.
ەڭ ۇزدىك بەينەبايان اۆتورى باس جۇلدەگە 1 000 000 تەڭگەگە يە بولادى. ەكىنشى ورىنعا – 500 000 تەڭگە, ال ءۇشىنشى ورىن يەسى – 300 000 تەڭگە الادى. بايگە قورىتىندىسى بويىنشا فينالعا جەتكەن قاتىسۋشىلار قازاقستانداعى YouTube كومپانياسىنىڭ رەسمي وكىلىمەن كەلىسىمشارتقا وتىرىپ, ءوز ارنالارىنىڭ داۋمىنا قاتىستى مامانداردىڭ كەڭەستەرىن الماق.
بايگەنىڭ ماقساتى – قازاقستاندا ۆيدەو-سالاسىن دامىتۋ, جاڭا تالانتتاردى تاۋىپ, دارىندى جاستاردى قولداپ, قازاقستانداعى تۋريزم تۋرالى قىزىقتى ۆيدەو اقپارات سانىن ارتتىرۋ.
جەڭىمپازداردى ماراپاتتاۋ سالتاناتى 24-25 تامىزدا نۇر-سۇلتان قالاسىندا وتەتىن «قازاقستاندى اشا وتىرىپ» اتتى حالىقارالىق بلوگەرلەر فورۋمىنا ورايلاستىرىلعان.
جارىسقا قاتىساتىن جۇمىستار تامىزدىڭ 12-ءشى جۇلدىزىنا دەيىن قابىلدانادى. بايگەگە جاسى 18-گە تولعان ەلىمىزدىڭ بارلىق ازاماتتارى قاتىسا الادى.
بايگە تۋرالى تولىق اقپاراتتى https://openqazaqstan.kz/ سايتىنان الۋعا بولادى.
