جاڭاقورعان اۋدانى بويىنشا 2987 وتباسى, 17176 ادامعا اقشالاي كومەك تۇرىندەگى مەملەكەتتىك اتاۋلى الەۋمەتتىك كومەك تاعايىندالعانىن اتاپ وتكەن ءجون. سونىمەن قاتار, اۋدان بويىنشا 268 وتباسىعا ازىق-ت ۇلىكتەي كومەك بەرىلگەن.
الدىمەن, ايماق باسشىسى كوپبالالى انا ج.مۇزافاروۆانىڭ ۇيىنە بارىپ, وتباسىنىڭ تىنىس-تىرشىلىگىمەن تانىستى. ءوز كەزەگىندە, كوپبالالى انا مەملەكەتتىڭ قامقورلىعىنا زور ريزاشىلىعىن جەتكىزدى.
سونداي-اق, قۋانىشبەك دوسمايىل ۇلى اۋىل تۇرعىندارىنىڭ قولداۋىمەن, ەرىكتىلەر توبىنىڭ باستاماسىمەن كوپ بالالى جانۇياعا ارنالعان جەكە تۇرعىن ءۇيدىڭ قۇرىلىسىن باستاۋ راسىمىنە قاتىستى.
«جاڭارعان جاڭاقورعان جاستارى» ەرىكتىلەر توبى ەلباسى بەكىتكەن «جاستار جىلى» اياسىندا 2019 جىلدىڭ 20 ناۋرىزىندا جاڭاقورعان اۋدانىندا ورتالىق مەشىت, «قۋم ساحابا», «حيساميددين سىعاناقي» مەشىتى جانىنان قۇرىلعان.
ايتا كەتەيىك, «جاڭارعان جاڭاقورعان جاستارى» ەرىكتىلەر توبى قوعامداعى الەۋمەتتىك جاعىنان از قامتىلعان جانە تۇرمىسى تومەن وتباسىلاردىڭ ەڭسەسىن تىكتەپ, باسپانالى بولۋىنا ۇيىتقى بولىپ ءجۇر. ولار اسار ءادىسى ارقىلى ءداستۇردى دارىپتەي وتىرىپ, جوق-جىتىككە پانا بولۋدى ماقسات تۇتىپ, شاراسىز كۇي كەشكەن شاڭىراققا دەمەۋ بولىپ كەلەدى. اتاپ ايتساق, وتكەن جىلى اۋدان تۇرعىنى ا.يسامەتوۆاعا 4 بولمەلى باسپانا سالىپ بەرگەن, بيىل 2019 جىلدىڭ 5 ماۋسىم كۇنى جالعىزباستى انا ا.بەلاساروۆاعا 4 بولمەلى تۇرعىن ءۇي تۇرعىزىپ بەردى.
ەرىكتى جاستاردىڭ نەگىزگى ماقساتى – «مەملەكەت ماعان نە بەرەدى؟» دەگەن ماسىلدىق پسيحولوگيادان ارىلىپ, «مەن ەلىم ءۇشىن نە جاساي الامىن؟» دەگەن ۇستانىممەن اۋداننىڭ ءوسىپ-وركەندەۋىنە ۇلەس قوسۋ.
جاستاردىڭ يگى باستاماسىنا ايماق باسشىسى دا قولداۋ ءبىلدىرىپ, وڭ باعاسىن بەردى.
