جاڭا باسشىنى ايماق باسشىسىنىڭ ءبىرىنشى ورىنباسارى مارات تاسماعانبەتوۆ اۋدان اكتيۆىنە تانىستىرىپ, بىرقاتار تاپسىرمالار جۇكتەدى.
اۋداندى جارتى جىل عانا باسقارعان ەكس اكىمنىڭ ەربول ساعديەۆتىڭ قىزمەتتەن ءوز ەركىمەن كەتۋى سەبەپسىز ەمەس. ونى ءتيىستى ورىندار انىقتاي جاتار.
التىنبەك ابدوللاەۆ 1962 جىلى تۋعان. الماتى زووۆەتەرينارلىق ينستيتۋتىن, وسىنداعى ەكونوميكا مەن ستاتيستيكا اكادەمياسىن ءبىتىرىپ مال دارىگەرى جانە «ەكونوميست» ماماندىقتارىن الىپ شىققان. ەڭبەك جولىن 1984 جىلى كوكشەتاۋ وبلىسى چيستوپولە اۋىلىندا مال دارىگەرلىگىنەن باستاعان. 1998 جىلى ع.مۇسىرەپوۆ اۋدانى اكىمى اپپاراتىنىڭ جەتەكشىسى بولىپ تاعايىندالعان. مامليۋت, قىزىلجار اۋداندارى اكىمىنىڭ ورىنباسارى بولعان. 2009 جىلدان 2018 جىلعا دەيىن وبلىستىق اۋىل شارۋاشىلىعى باسقارماسى باسشىسىنىڭ ورىنباسارى قىزمەتىن اتقارعان.
اۋداندا شەشىمىن تاباتىن الەۋمەتتىك-ەكونوميكالىق ماسەلەلەر از ەمەس. اۋىل شارۋاشىلىعى ىشكى ءونىم كورسەتكىشى تومەن. ينۆستيتسيا قۇيۋ, مەملەكەتتىك باعدارلامالارعا قاتىسۋ, جوبالاردى ىسكە اسىرۋ جايى دا قاناعاتتاندىرا بەرمەيدى. ورتاشا جالاقى مولشەرى 97 مىڭ تەڭگەنى قۇرايدى. بۇل وبلىس وبلىس كورسەتكىشىنەن 16 مىڭ تەڭگەگە تومەن.
سولتۇستىك قازاقستان وبلىسى
