جەو-3 قۇرىلىس الاڭىندا ۇكىمەت باسشىسىنا جەو-3 قۇرىلىسىنىڭ ءبىرىنشى كەزەڭى قۋاتتىلىعى 480 گكال/ساع بولاتىن سۋ جىلىتاتىن قازاندىق سالۋدى قاراستىراتىنى باياندالدى.
تەمىر جول جانە اۆتوكولىك كىرۋ جولدارى سالىندى, اكىمشىلىك-تۇرمىستىق كەشەن عيماراتتارى سالىندى. نەگىزگى جابدىقتى اۆتوماتتاندىرۋ جانە ەلەكترلىك بولىگىن مونتاجداۋ جۇمىستارى جۇرگىزىلىپ جاتىر. بۇگىندە نىساننىڭ دايارلىعى 70% قۇرايدى.
جەو-3 قۇرىلىسى تاياۋ جىلدارى ەلوردانىڭ باتىس بولىگىندە جىلۋعا دەگەن ارتىپ كەلە جاتقان سۇرانىستى قامتۋعا مۇمكىندىك بەرەدى, سونىمەن قاتار, جەكە ءوندىرۋشى قۋاتتى جانە نۇر-سۇلتان قالاسىنداعى وتىن-ەنەرگەتيكا كەشەنىنىڭ جىلۋ كوزىن ايتارلىقتاي ۇلعايتادى.
قۇرىلىس الاڭىندا قر پرەمەر-مينيسترىنە ارەكەت ەتىپ تۇرعان جەو-1 جانە جەو-2 ەنەرگيا كوزدەرىن جاڭعىرتۋ جانە گازداندىرۋ, ەنەرگيا كەشەنىنىڭ الداعى جىلىتۋ ماۋسىمىنا دايىندىعى تۋرالى اقپارات بەرىلدى.
قر ۇكىمەتىنىڭ باسشىسى ەلوردانىڭ وتىن-ەنەرگەتيكا كەشەنىنىڭ نىساندارىن سالۋ جانە جاڭعىرتۋ بويىنشا بىرقاتار ناقتى تاپسىرمالار بەردى.
