«بيىلعى جىلى ۆەلوجارىس كۇنتىزبەدە قىركۇيەك ايىنىڭ سوڭىنان 30-31 تامىز كۇندەرىنە اۋىستىرىلدى. بۇل باسەكەلەستىكتى ارتتىرىپ, ەلىمىزدىڭ ەڭ ءىرى قالاسىنىڭ كوشەلەرىندەگى كەپتەلىستى ازايتادى», - دەلىنگەن حابارلامادا.
«الماتى تۋرى - 2019» جارىسىنا ءار ءتۇرلى دارەجەدەگى 21 حالىقارالىق ۆەلوسيپەد كوماندالارى قاتىسادى. ولاردىڭ اراسىندا Astana Pro Team دا بار.
ۆەلوجارىستىڭ 1-كەزەڭىنىڭ باعىتى «الماتى ارەنا» سپورت سارايىنان باستالىپ, «يندۋستريالدى پارك» ارقىلى ءوتىپ, قايتا «الماتى ارەنادا» مارەسىنە جەتپەك. بۇعان دەيىن وسى جول باعىتى بويىنشا قازاقستان چەمپيوناتى وتكەن بولاتىن. ۆەلاشاباندوزداردىڭ ايتۋى بويىنشا 118 شاقىرىمدىق جارىس باعىتىن باعىندىرۋ وڭاي ەمەس. ەكىنشى كەزەڭ كلاسسيكالىق باعىت بويىنشا وتەدى.
شىعىس اينالما اۆتوجولىمەن 4,5 اينالىم جانە ءال-فارابي داڭعىلى ارقىلى ءوتىپ, «مەدەۋ» مۇز ايدىنىندا جارىس مارەسىنە جەتپەك. بۇل كۇنى ۆەلودودا قاتىسۋشىلارى 160 شىقىرىم جارىس جولىن باعىندىرادى.
اتى شۋلى دودانىڭ تىكەلەي كورسەتىلىمىن «ەۋروسپورت» تەلەارناسى ارقىلى كورەرمەنگە جول تارتپاق.
