“مەملەكەتتىك ءتىل – ەل بىرلىگىنىڭ كەپىلى”

وسىنداي اتپەن ماجىلىستە عىلىمي-پراكتيكالىق كونفەرەنتسيا وتەدى “مەملەكەتتىك ءتىل – ەل بىرلىگىنىڭ كەپىلى”. پارلامەنت ءماجىلىسىنىڭ ۇيىم­داس­تىرۋىمەن اتالعان عىلىمي-پراك­تيكالىق كونفەرەنتسيا ۇستىمىزدەگى جىلدىڭ 19 ناۋرىزى كۇنى وتەدى. ء“بىر تىلدە سويلەۋ – بىرلىك باس­تاۋى” دەپ اتالاتىن نەگىزگى بايان­دا­ما­نى پار­لامەنت ءماجىلىسىنىڭ ءتور­اعاسى, “نۇر وتان” حالىقتىق-دەمو­كراتيالىق پار­تيا­­سى فراكتسياسىنىڭ جەتەكشىسى ورال مۇحامەدجانوۆ جاسايدى دەپ كۇتىلۋدە. سونىمەن قاتار, مادەنيەت مي­نيسترى مۇحتار قۇل-مۇحاممەد “قازاق ءتىلىنىڭ قولدانىس اياسىن كەڭەيتۋ – ماڭىزدى مەم­لەكەتتىك ءىس”, ال ءبىلىم جانە عىلىم مي­نيسترى جانسەيىت ءتۇي­مەباەۆ “قازاق­ستان رەسپۋبليكاسىنىڭ ۇلتتىق ءبىلىم بەرۋ جۇيەسىندە مەم­لە­كەتتىك ءتىلدى دامىتۋدىڭ جايى”, پار­لا­مەنت ءماجىلىسىنىڭ دەپۋتاتى ۆالەري ۆيشنيچەنكو “مەملەكەتتىك ءتىلدى دا­مىتۋ – قازاقستان حالقى اسسامبلەيا­سى جۇمىسىنىڭ نەگىزگى باعىتتارىنىڭ ءبىرى” دەگەن تاقىرىپ­تاردى باياندايدى. باس پروكۋروردىڭ ورىنباسارى مۇح­تار جورگەنباەۆ “قازاقستان رەس­پۋبلي­كا­سىنداعى ءتىل تۋرالى” زاڭنىڭ ورىندا­لۋىن باقىلاۋدىڭ ناتيجەلەرى جانە با­قى­لاۋدى جەتىلدىرۋ جولدارى” جاي­ىندا قوسىمشا بايانداما جاسايدى. جينالىستىڭ شەڭبەرىندە سەناتور عاريفوللا ەسىم, ءماجىلىس دەپۋتاتى ەلەنا تاراسەنكو, حالىقارالىق “قازاق ءتىلى” قوعامىنىڭ پرەزيدەنتى ومىرزاق ايت­باەۆ, پاۆلودار وبلىسى­نىڭ اكىمى باقىتجان ساعىنتاەۆ جانە باسقالار اتالعان ماسەلە بويىنشا وي قوزعايدى. ءماجىلىس دەپۋتاتتارى زاعيپا باليەۆا, كامال بۇرحانوۆ, الدان سمايىل, بەك­بو­لات تىلەۋحان فورۋم بارىسىندا كوتە­رىل­گەن ماسەلەلەردى سەكتسيالار بويىنشا تال­قىلاۋعا مودەراتورلىق ەتەدى. پارلامەنتتە ءبىرىنشى رەت وتكىزىلىپ وتىرعان بۇل كونفەرەنتسيانى ورال مۇ­حا­مەدجانوۆ قورىتىندىلايدى دەپ كوزدەلىپ وتىر.