بۇل شارانىڭ بارىسىندا كەلۋشىلەردى مۇمكىندىگى شەكتەۋلى پسيحونەۆرولوگيالىق اۋرۋمەن ەمدەلىپ جۇرگەن بالالاردىڭ وزدەرى قولدان جاساعان اسپەتتى بۇيىمدارىمەن قىزىقتىردى. بالالارمەن كەزدەسۋگە ۇيىتقى بولعان اۋداندىق فيليالدىڭ كونسۋلتانتى گاۋحار ازىمباەۆا بالالاردىڭ وسى كەزدەسۋدىڭ وزىنەن ولاردىڭ ەرتەڭگە دەگەن ءۇمىت الاۋى جۇزدەرىنە نۇر سىيلاعاندارىن اڭعارۋعا بولاتىنىن قۋانىشپەن جەتكىزەدى. بالالاردىڭ وزدەرى شۇقشيا كوڭىل ءبولىپ جاساعان ورنەكتى ونەرلەرىنە الماتى قالالىق ءماسليحاتىنىڭ دەپۋتاتتارى روزا باداەۆا مەن ميحايل گراچەۆتىڭ سۇيسىنە كوڭىل بولگەندەرىنە ىشتەي ريزالىق سەزىمدەرىن بىلدىرگەندەي دەرسىز. «باكاراسوۆ» وندىرىستىك سەرىكتەستىگىنىڭ باس ديرەكتورى ەلەنا باكاراسوۆا بالعىندار جاساعان بۇيىمدارعا ەرەكشە ىقىلاس تانىتقانىنا ىشتەي شاتتانعانداي بويلارىن وزگەشە ماقتانىش سەزىمى بيلەگەندەي.
تۇركسىب اۋداندىك فيليالى جانىنداعى مۇمكىندىگى شەكتەۋلى پسيحونەۆرولوگيالىق اۋرۋ بالالار ورتالىعىنىڭ ديرەكتورى التىن يمانباەۆا وزدەرى ءتالىم بەرىپ جاتقان 60 بالانىڭ بۇگىنگى شاتتىعىنا مەرەيلەنە تۇسەدى. ولار اشىپ وتىرعان ورتالىق دەگەنىڭىزدە «كەدەرگىسىز بولاشاققا» قادام سىلتەيتىن وركەندى ءىس ەكەنىن ايعاقتار مارتەبەلى تاربيە وشاعى بولىپ كورىنەدى. بالعىندار بولاشاقتا مەرەيلەرى ءوسىپ, مارتەبەلى ماماندىق يەلەرى بولىپ, ەلىمىزدىڭ سانالى ازاماتى بولا بەرۋىنە جازسىن. بۇلدىرشىندەردىڭ جۇزىندەگى قۋانىش پەن شاتتىقتىڭ ەرتەڭگى كۇنگە دەگەن الاۋ وتى بولىپ شارپىلعانى دا شىعار دەپ ويلادىق. ءوزى ورنەك سالعان بۇيىمدارعا اقەركە مەن كلارا مەرەيلەنە قارايدى. بالعىنداردىڭ سالتاناتقا شاتتىق سىيلاعاندارىن كورىپ, ۇستازدارى دا مارقايىپ تۇردى.
ەرتەڭگى كۇنگە دەگەن ءۇمىت وتى بالعىن جۇرەكتەردە الاۋلايدى.
ساپارباي پارمانقۇل,
«Egemen Qazaqstan»
الماتى
