«قورىقشى-ينسپەكتورلار قانىش نۇرتازينوۆ پەن سامات وسپانوۆ مەملەكەتىمىزدىڭ تابيعي بايلىعىن قورعاۋ جولىندا ەرجۇرەكتىلىك كورسەتتى. ولاردىڭ ەرلىگىن ماقتان تۇتامىز. ق.ءنۇرتازينوۆتىڭ وتباسىنا كومەك كورسەتىلەدى. ونىڭ ەسىمى ماڭگى جادىمىزدا ساقتالادى. يماندى بولسىن!», دەپ جازدى ق. توقاەۆ twitter-دەگى پاراقشاسىندا.
سونداي اق مەملەكەت باسشىسى قورىقشى-ينسپەكتورلاردىڭ قۇقىقتارىن قورعاۋ جانە براكونەرلىككە قارسى جازانى كۇشەيتۋ ماقساتىندا زاڭنامانى قايتا قاراۋ قاجەت ەكەنىن اتاپ ءوتتى.
ايتا كەتۋ كەرەك, 23 شىلدەدە شامامەن ساعات 11-دە «وحوتزووپروم ء«وب» رمقك ورتالىق وڭىرلىك فيليالىنىڭ ينسپەكتورلارى اقمولا وبلىسى جارقايىڭ اۋدانىندا تابيعاتتى قورعاۋ زاڭناماسىن بۇزعانداردىڭ الدىن الۋ شاراسىن جۇرگىزگەن جانە كيىك اتۋ فاكتىسىن انىقتاعان. زاڭ بۇزۋشىلاردىڭ ىزىنە تۇسكەن ەكى ينسپەكتورعا قارسى وق اتىلعان. سالدارىنان 1976 جىلعى ينسپەكتور كوز جۇمسا, 1975 جىلعى ارىپتەسى جارالانىپ, جارقايىڭ اۋداندىق اۋرحاناعا جاتقىزىلعان ەدى.
