الماتى كوشەلەرى ءسان-سالتاناتىمەن قۇلپىرىپ, ءوزىنىڭ عاجاپ كەلبەتىمەن ىنتىقتىرا تۇسەدى. تاڭەرتەڭگى مەزگىل جۇمىسقا اسىققان جۇرگىنشىلەر قاتارىنا ىلەسكەن ءسىز دە تىزبەك قۇراپ, العا ەنتەلەي بەرەسىز. الدىڭىزداعى تاقتاتاستىڭ بويىنداعى ۇلكەن بۇتاقتىڭ جيەگىنە كوزىمىز تۇسكەنىن قاراڭىز.تاڭداناسىز, تاڭىرقاعان كۇيى مولدىرەپ, جاناردى ارباي تۇسكەنى, شىركىن. جاسىل جاپىراقتار اراسىنان جىلت ەتىپ كوزگە تۇسكەن ۋىز مويىلدار ادەمى اسپەتىمەن, ەرەكشە كەرىم كورىنىسىمەن تاڭىرقاتقان ءسات ەرىكسىز سۋرەتكە سۇرانىپ تۇر. جىلت ەتكەن فوتواپپاراتتى باعامداعان كۇزەتشى سىزگە جاقىنداي بەرە ەرىكسىز ەسكەرتىپ وتەدى. بيىك عيماراتتى فوتوعا الۋعا بولمايتىنىن ەسكەرتىپ ۇلگەرگەن ول مويىلدى كورىپ, ءبىزدىڭ شالت قيمىلىمىزعا كەشىرىم دە سۇراپ ۇلگەردى. جول جيەگىندەگى جاسىل جاپىراقتار اراسىنان كوز جاۋىن العان مويىلدارعا تاڭىرقاي قارادى. مولدىرەگەن مويىلدىڭ ەندى قىزارا باستاعان ساباقتارى ۋىزداي قىلتيادى.
ساپارباي پارمانقۇل,
«Egemen Qazaqstan»
الماتى
