قوس دوڭگەلەكتى تۇلپارىنا ءمىنىپ جۇيتكىگەن پەترۋحيننىڭ الدىنان تابيعاتتىڭ توسىن مىنەزىنەن باستاپ, سان مىڭداعان كەدەرگىلەر كەزدەسكەن. سوندا دا ءوزىنىڭ سۇيىكتى كاسىبىنەن قول ۇزبەگەن ساياحاتشى سۇحباتتارىنىڭ بىرىندە: «مەن ءومىر بويى, ءتىپتى جولعا اتتانعاندا دا قيىندىقتارعا قاراماستان ءوز كاسىبىمە جان-ءتانىممەن بەرىلگەن ادام ەكەنىمدى دالەلدەدىم. ارينە بۇل ءزىل-باتپان ەڭبەك. موتوتسيكلمەن ءبىر كۇن ءجۇرگەننىڭ وزىندە ابدەن شارشاپ, ۇيىڭە ارەڭ جەتىپ, تيتىقتاپ توسەككە قۇلايسىڭ. ال مەندە بۇل تىرلىك كۇن سايىن قايتالانا بەرەدى. موتوتسيكلمەن جول اپاتىنا ۇشىرادىم. تۇتقىنعا دا ءتۇستىم. جەر سىلكىنىسىنە دە كەز بولدىم. «كاترين», «سەندي» داۋىلدارىندا دا بولدىم. دالادا تۇنەۋىم مۇمكىن. كەيدە اش قۇرساق جۇرۋگە تۋرا كەلەدى. ءبارىبىر مەن جيھانكەزدىگىمدى قويا المايمىن. سونىڭ وزىندە ءوز كاسىبىمدى سۇيەمىن. وتانىن, وتباسىن, كاسىبىن سۇيگەن ادام عانا ەڭ باقىتتى جان», دەپ ايتقانى بار.
ەستە بولسا, ساياحاتشى 57 جاسىندا ۆيكتوريا سارقىراماسىندا ارقان ارقىلى 175 مەتر بيىكتىكتەن سەكىرىپ, الەم جۇرتشىلىعىن تاڭعالدىرعان ەدى. سول كەزدە الەمدەگى اقپارات قۇرالدارى وتانداسىمىزدىڭ بۇل ەرلىگىن جارىسا جازعان بولاتىن. بۇگىندە ونىڭ جەكە كوللەكتسياسىندا مۇنداي موتوتسيكلدەردىڭ سان ءتۇرى كەزدەسەدى.
