«بۇگىن براكونەرلەردى ۇستاۋ كەزىندە وحوتزووپروم ينسپەكتورى قانىش نۇرتازينوۆ قازا تاۋىپ, وسپانوۆ سامات اۋرۋحاناعا ءتۇستى. قىزمەتتىك مىندەتىن ورىنداۋ كەزىندە كوز جۇمعان مارقۇمنىڭ وتباسىنا قايعىرىپ, كوڭىل ايتامىن. ولاردىڭ وتباسىنا بارلىق قاجەتتى كومەك كورسەتىلەدى» دەلىنگەن ءمينيستردىڭ تwitter پاراقشاسىندا.
ايتا كەتۋ كەرەك, بۇگىن اقمولا وبلىسىندا كيىك قورعاعان ەكى ينسپەكتورعا وق ءتيىپ, بىرەۋى قايتىس بولدى. قازا تاپقان ينسپەكتوردىڭ اتى-ءجونى قانىش سەرىك ۇلى نۇرتازينوۆ. 1976 جىلى 24 قاڭتاردا دۇنيەگە كەلگەن. نۇرتازينوۆ «وحوتزووپروم» مەكەمەسىنە 2016 جىلى 5 قاڭتاردا جۇمىسقا الىنعان. مارقۇمنىڭ سوڭىندا 3 قىزى مەن 2011 جىلعى ءبىر ەر بالاسى جانە جۇبايى قالدى.
