ايماقتار • 23 شىلدە، 2019

شەكارادان 26 مايمىل، 4 ملن تەڭگە الىپ وتپەك بولعاندار ۇستالدى

308 رەتكورسەتىلدى

وتكەن دەمالىس كۇندەرى شەكاراشىلار مەملەكەتتىك شەكارادان ءارتۇرلى مولشەردە ەسىرتكى الىپ وتپەك بولعان، شەكارالىق اۋماقتا زاڭسىز دارىلىك وسىمدىك تامىرلارىن جيناعان، 26 مايمىل، 4 ميلليون تەڭگەگە جۋىق كەدەندەستىرىلمەگەن قاراجات الىپ وتپەك بولعان ءارتۇرلى مەملەكەتتەر ازاماتتارىن ۇستادى. بۇل تۋرالى ۇقك شەكارا قىزمەتىنىڭ ءباسپاسوز قىزمەتى حابارلادى.

انىقتاي كەتەر بولساق، سەنبى ءتۇنى، ساعات 2-لەر شاماسىندا تاراز شەكارا وتريادىنىڭ «اقسۋات» زاستاۆاسىنىڭ اۋماعىندا شەكارا ناريادى كەپتىرىلگەن وسىمدىك تەكتى زات تولتىرىلعان 3 قاپتى مەملەكەتتىك شەكارادان بەرگى بەتكە وتكىزبەك بولىپ ارەكەتتەنىپ جاتقان ادامنىڭ ۇستىنەن ءتۇستى. ۇستالعان ادام (وزىمەن بىرگە ەشقانداي قۇجاتتارى جوق) ءوزىن 1983 جىلى تۋعان قىرعىز ازاماتىمىن دەپ تانىستىردى. وعان شەكارا بۇزۋعا كومەكتەسكەن ادام بولۋى مۇمكىن دەگەن كۇدىكپەن كورشىلەس ەلدىڭ شەكاراشىلارى بولعان وقيعا تۋرالى حابارلاندى. جاسالعان ساراپتاما قورىتىندىسى قاپتارعا تولتىرىلعان وسىمدىك تەكتى زاتتىڭ، سالماعى 10 كگ 400 گرامم «ماريحۋانا» ەسىرتكىسى ەكەندىگىن راستادى. ۇستالعان ازامات جۋالى اۋداندىق پوليتسيا بولىمىنە تاپسىرىلدى.

پەتروپاۆل شەكارا وتريادىنىڭ «بيدايىق-اۆتو» بولىمشەسىندە شەكارا ناريادى ءبىزدىڭ ەلدەن رەسەيگە قاراي جەكەمەنشىك «تويوتا» اۆتوكولىگىمەن وتپەك بولعان 36 جاستاعى رەسەيلىكتى ۇستادى. شەكاراشىلار قىزمەتتىك ءيتتىڭ كومەگىمەن ونىڭ اۆتوكولىگىنىڭ ءرولىنىڭ استىنان، قالتاشاعا سالىنعان سۇرعىلت-جاسىل ءتۇستى، وزىندىك ءيىسى بار، سالماعى مولشەرمەن 5 گراممداي بولاتىن وسىمدىك تەكتى زات تاۋىپ الدى. تابىلعان زات «گاشيش» ەسىرتكىسى بولۋى مۇمكىن دەگەن كۇدىكپەن يەسىمەن بىرگە ءۋاليحانوۆ اۋداندىق پوليتسيا بولىمىنە تاپسىرىلدى.

قورداي شەكارا وتريادىنىڭ «قورداي-اۆتو» بولىمشەسىندە شەكاراشىلار وتكەن تۇندە قىرعىز رەسپۋبليكاسىنان بىزدىك ەلگە قاراي وتپەك بولعان 48 جانە 20 جاستاعى ەكى ەكى قازاقستاندىقتىڭ ءبىرىنشىسىنىڭ اياق كيىمىنىڭ ىشىنەن 2 گراممداي «گاشيش»، ەكىنشىسىنىڭ جەكە زاتتارىنىڭ اراسىنان ءدال وسىنداي مولشەردە «ماريحۋانا» ەسىرتكىسىن تاۋىپ، قورداي اۋداندىق پوليتسيا بولىمىنە تاپسىردى.

جاركەنت شەكارا وتريادىنىڭ شەكاراشىلارى وتكەن تۇندە، ساعات 00 شاماسىندا تەكەلى تاۋلارىنىڭ شاتقالدارىنىڭ بىرىندە 35 جاستاعى قازاقستاندىقتى ۇستادى. ونىڭ سومكەسىنەن سالماعى 8 كگ-عا جۋىق «پياۋ» وسىمدىگىنىڭ تامىرلارى تابىلدى. ۇستالعان ازامات قر قىلمىس كودەكسىنىڭ 339 بابىنا سايكەس جاۋاپقا تارتىلۋى مۇمكىن. ازىرشە تەكەلى قالاسىنداعى ەسكەلدى اۋداندىق پوليتسيا بولىمىنە تاپسىرىلدى.

اقتوبە شەكارا وتريادىنىڭ «جايساڭ-اۆتو» بولىمشەسىندە قازاقستاننان رەسەيگە قاراي كەتىپ بارا جاتقان 41 جاستاعى رەسەيلىكتىڭ ۋاز «پاتريوت» جەكەمەنشىك اۆتوكولىگىنەن شەكاراشىلار 8 قاپقا سالىنعان 26 ءتىرى مايمىل (ماكاكالار) تاۋىپ الدى. مايمىلدار شەكارادان وتكىزۋگە قۇقىق بەرەتىن ەشقانداي قۇجاتتارى بولماعاندىقتان مارتوك اۋداندىق ۆەتەرينارلىق ينسپەكتسيا قىزمەتكەرلەرىنە تاپسىرىلدى.

بەينەۋ شەكارا وتريادىنىڭ «بەينەۋ-تەمىرجول» بولىمشەسىندە «نۇكۇس – بەينەۋ» باعىتىنداعى № 647 پويىزدى تەكسەرۋ بارىسىندا 50 جاستاعى وزبەكستان ازاماتىنان كەدەندەستىرىلمەگەن 3 918 000 تەڭگە تابىلدى. «بەينەۋ» كەدەن بەكەتىنە تاپسىرىلاتىن بولادى.

سوڭعى جاڭالىقتار

تەرەزەدەن قاراما...

رۋحانيات • كەشە

اعا مەن ءىنى

قوعام • كەشە

ىسقاق قاجى اۋليە

رۋحانيات • كەشە

قابان، تاڭكى جانە بىدىق

رۋحانيات • كەشە

قايىق كۇتكەن كۇن

رۋحانيات • كەشە

ۇقساس جاڭالىقتار