ايماقتار • 22 شىلدە، 2019

ارام ويى ىسكە اسپادى

329 رەتكورسەتىلدى

ءومىر بولعان سوڭ ەرلى-زايىپ­تىلاردىڭ اراسىندا ىدىس-اياق سىلدىراماي تۇرمايدى. كەيبىر وتباسىلار ءبىر-بىرىنە كەڭشىلىك تانىتىپ، كەشىرىم بەرگەن جاعدايدا كەشەگى اشۋ ءبىر كۇنگىدەي بول­ماي، ارتىنان جايماشۋاق كۇن شىعادى. ال ءسال نارسەنى كوڭىلىنە الا بەرسە شا­ڭىراق ءتۇبى شايقالماي قوي­مايدى.

كۇيەۋىمەن ءدام-تۇزى جاراس­پاي اجىراسقان ايەل ونى ءولتىرۋدى ويعا الادى. سوقىر تۇمان باسىن اينالدىرعان كەلىنشەك ءىز­دەپ ءجۇرىپ ءولتىرۋشىنى تابادى. تۇركىستان وبلىسىنىڭ تۇرعى­نىن جالداعان ول بۇرىنعى جۇ­بايىنىڭ باسى ءۇشىن 20 مىڭ دوللارعا كەلىسەدى. «كيللەردى» قىزىلوردا وبلىسىنىڭ شەكاراسىندا شىعارىپ سالىپ تۇرىپ، قولىنا 10 مىڭ تەڭگە ۇستاتادى. قالعانىن كۇيەۋىن ولتىرگەن سوڭ ونىڭ دۇنيە-مۇلكىن ساتىپ بەرمەككە ۋاعدالاسادى. ورىنداۋشى كەلىسىمدى قۇپ كورگەن بولىپ، پوليتسياعا ارىزدانادى.

ۇستالعان ازاماتشا كۇدىكتى رەتىندە تانىلىپ، وعان قاتىستى قاماۋعا الۋ تۇرىندەگى بۇلتارتپاۋ شاراسى قولدانىلدى. ازاماتشا قىزىلوردا قالالىق پوليتسيا باسقارماسىنىڭ ۋاقىتشا ۇستاۋ اباقتىسىنا قاماققا الىندى.

قازىرگى تاڭدا اتالعان دەرەك بويىنشا قازاقستان رەسپۋب­ليكاسى قىلمىستىق كودەكسىنىڭ 24-بابىنىڭ 3-بولىگىنىڭ (قىل­مىسقا دايىندالۋ جانە قىلمىسقا وقتالۋ)، 99-بابىنىڭ 2-بولىگىنىڭ 8-تارماعىمەن (ادام ءولتىرۋ) سوتقا دەيىنگى تەرگەپ-تەكسەرۋ امال­دارى جۇرگىزىلىپ جاتىر.

حالىقتا «وزگەگە ءولىم تىلە­گەنشە، وزىڭە ءومىر تىلە» دەگەن اتالى ءسوز بار. بۇرىنعى جۇبايىنا كەك ساقتاعان ازاماتشا ۋىزداي ءتاتتى ءومىرىنىڭ ءبىر بولىگىن تەمىر توردىڭ ار جاعىندا وتكىزبەك. «اشۋ-دۇشپان» دەگەنمەن، ەندى ءبارى كەش...

قىزىلوردا وبلىسى
سوڭعى جاڭالىقتار

قىرشىن كەتكەن ساڭلاق

سپورت • بۇگىن، 17:35

ۇقساس جاڭالىقتار