رۋحانيات • 22 شىلدە، 2019

گرافيك سۋرەتشىنىڭ تۋىندىسى گيننەستىڭ رەكوردتار كىتابىنا ۇسىنىلدى

101 رەتكورسەتىلدى

كيپردىڭ يرفان گيۋنسەل ورتالىق كونگرەسس زالىندا وتكەن حالىقارالىق كورمەدە قازاق سۋرەتشىسى باتۋحان بايمەننىڭ كارتيناسى ونەرسۇيەر قاۋىمنىڭ جوعارى باعاسىنا يە بولدى. ءتىپتى ماماندار تۇتاس ۇلتتىڭ تاريحىنان سىر شەرتەتىن گرافيكالىق تۋىندىنى گيننەستىڭ رەكوردتار كىتابىنا ۇسىنۋدى لايىق كورىپتى.

تۇركى ەلدەرىنىڭ قازىرگى زامان­عى قىلقالام ونەرىن دامىتۋ اياسىندا ۇيىمداستىرىلعان كورمەگە قازاقستاننان 50 سۋرەت­شى قاتىسقان. سولاردىڭ قاتا­رىندا شىمكەنت قالاسىنىڭ تۋماسى باتۋحان باي­مەن جۇرت­شىلىق نازارىنا 60-تان استام لينوگراۆيۋرالىق تۋىن­دىسىن ۇسىنعان. كورمە قور­تىندىسىندا ەلى­مىزدەن بارعان دەلەگاسيا ىشىنەن باتۋحان بايمەن باستاعان ەكى سۋرەتشىگە كيپردىڭ مەملەكەت­تىك دەڭگەيدەگى «كۇمىس كىلت» سىيلىعى تابىستالدى. ؛

ونىڭ گرافيكالىق تۋىندىلارىن ءوز ونەر كەڭىستىگىندە كورۋگە قىزىعۋشىلىق تانىتقان شەتەل­دىكتەر شىمكەنتتىك شەبەردى ەلد­ە­­رىنە قوناققا شاقىرىپتى.

توقسانىنشى جىلداردىڭ باسىنداعى قيىن كەزدە ەلىمىزدەگى كوپتەگەن گرافيكتەر بەينەلەۋ ونەرىنىڭ باس­قا سالاسىنا اۋىسىپ كەتتى. الاي­دا باتۋحان بايمەن قازاق گرا­فيكالىق ونەرىنىڭ وتىن وشىر­مەي، بۇگىنگە الىپ كەلدى. بۇل رەتكى حالىقارالىق كورمەدە سۋ­رەتشى تاريحي، ساياسي جانە ەپوس­­­­تىق تا­قىرىپتار قامتىلعان شى­عار­ما­لاردى ۇسىنعان. قىل­قالام ار­قىلى ءتۇبى ءبىر تۇر­كىنىڭ تامىرلاس ەكەندىگىن جەت­كىزگەن. ؛

«ونەر مايتالمانىنىڭ قو­لىنان شىققان بيىكتىگى 1،5، ەنى 3 مەترلىك مازمۇنى باي تۋىندى كيپرگە جينالعان كورەرمەننىڭ كوزايىمىنا اينالدى. بۇل گرافيكا سالاسىندا ەلىمىزدە عانا ەمەس، الەمدەگى ايتۋلى جاڭالىق»، دەيدى ارىپتەستەرى.

ونەرتانۋشىلاردىڭ مىڭ­داعان كارتينالار ىشىنەن قازا­­قيانىڭ كەڭدىگى مەن باتىر ۇل­دا­رىنىڭ ەرلىگى بەدەرلەنگەن گرافيكالىق تۋىندى­لاردى گين­نەستىڭ رەكوردتار كىتابىنا ۇسىنۋىنىڭ ءوزى قازاق حالقىنا دەگەن قۇرمەتتىڭ بەلگىسى بول­ماق. ؛
 ؛
شىمكەنت
باننەر
سوڭعى جاڭالىقتار

يمپورتتان نە ۇتتىق؟

ەكونوميكا • كەشە

«ەكى جۇلدىز» بايقاۋى الماتىدا باستالدى

رۋحانيات • 20 قىركۇيەك، 2019

تارازدا جەدەل بايلانىس ورتالىعى اشىلدى

ايماقتار • 20 قىركۇيەك، 2019

ليساكوۆتىڭ «بايتەرەگى»

ايماقتار • 20 قىركۇيەك، 2019

گوبەلەن – تەكتى ونەردىڭ تۋىندىسى

رۋحانيات • 20 قىركۇيەك، 2019

«مادەني قابات» جويىلعان جوق

قوعام • 20 قىركۇيەك، 2019

شاحماردان تەربەلگەن تالبەسىك

رۋحانيات • 20 قىركۇيەك، 2019

ۇقساس جاڭالىقتار