الداعى كەزدەسۋدە كەپىلگەر ەلدەر, ياعني يران, رەسەي جانە تۇركيا, سونداي-اق سيريانىڭ ۇكىمەتى مەن قارۋلى وپپوزيتسياسى وكىلدەرىنىڭ قاتىسۋى جوسپارلانۋدا. باقىلاۋشىلار رەتىندە بۇۇ مەن يوردانيانىڭ جانە سيرياداعى داعدارىستى رەتتەۋ جونىندەگى استانا پروتسەسىنە العاشقى رەت قاتىساتىن يراق پەن ليۆاننىڭ جوعارى دەڭگەيىندەگى وكىلدەرى سيرياارالىق كەلىسسوزدەرگە سەپتىگىن تيگىزەدى.
كەزدەسۋ سيرياداعى, اسىرەسە يدليب پروۆينتسياسى مەن ەلدىڭ سولتۇستىك-شىعىسىنداعى قازىرگى احۋالدى تالقىلاۋعا, قاقتىعىسۋشى تاراپتار اراسىنداعى سەنىمدى نىعايتۋعا ءجانە ساياسي پروتسەستى ودان ءارى ىلگەرىلەتۋگە, سيريا بويىنشا كونستيتۋتسيالىق كوميتەتتى قۇرۋ جانە ىسكە قوسۋ بويىنشا جۇمىستى اياقتاۋعا باسا نازار اۋدارادى.
1 تامىزدا ەكىجاقتى جانە كوپجاقتى, سونىڭ ىشىندە سيريانىڭ ۇكىمەتى مەن قارۋلى وپپوزيتسياسى وكىلدەرىنىڭ قاتىسۋىمەن, الدىن-الا كونسۋلتاتسيالاردىڭ وتكىزىلۋى جوسپارلانۋدا, ال جالپى وتىرىس 2 تامىزدا وتەدى.
