سونىمەن قاتار 100-دەن استام جوبالار بەلسەندى جۇزەگە اسىرىلعان بولسا, اعىمداعى جىلدىڭ وسى مەرزىمىنە دەيىن 6 جوبا ازىرلەنگەن. 37 جوبا تاۋار ءوندىرۋ, قىزمەت كورسەتۋ ماقساتىندا جۇمىس ىستەي باستاعان. بۇل جوبالاردان تۇسكەن تابىس كولەمى 1 ميلليارد تەڭگەگە جۋىقتايدى. ال «Jinalikە» (جينالايىق) IT تەحنولوگيالار بويىنشا العاشقى جوبا. جوبا قىزمەتى ىزدەستىرۋ جۇمىستارىن جەدەل اتقاراتىندىقتان, ۋاقىت ۇنەمدەۋ, قىزمەت ساپاسىن ارتتىرا تۇسۋگە مۇمكىندىك بەرەدى.
جوبانىڭ ماقساتى جانە اتقاراتىن مىندەتىمەن تانىستىرعان «Flow System» جشس ديرەكتورى دانيار يليەۆتىڭ ايتۋىنشا, IT ماماندار ەكى جىل ىشىندە دايىندىق جۇمىستارىن جاساپ, قوددانىسقا ەنگەن كۇننەن بەرگى بەس اي مەرزىمدە 65 ملن تەڭگە شاماسىندا تابىس تاپقان.
«Q-conference كوپتەگەن ىسكەرلىك شارالارعا ارنالعان زالدار, كوۆوركينگتەر مەن حوستەلدەردى ىزدەۋ جانە برونداۋعا ارنالعان پلاتفورما رەتىندە تانىلعان الاڭ. «عىلىم قورىنان» 300 ميلليون تەڭگە كولەمىندە گرانت الىپ, ماركەتينگتىك باعىتتاعى, سونداي-اق جاڭا جوبانىڭ دامۋ باعىتىنداعى ءىس-شارالار اتقارىلعان. زاماناۋي پلاتفورما ىسكەرلىك سالاسى وكىلدەرىنە ەڭ قولايلى الاڭ» دەپ اتاپ ءوتتى دانيار يليەۆ.
ۇيالى تەلەفون ارقىلى بيزنەس الاڭدار ۇيىمداستىرىپ, ۋاقىت ۇنەمدەۋگە قولايلى جۇيە ەكەندىگىن كومپانيا ماماندارى كەڭەيتىلگەن تۇردە ءتۇسىندىرىپ ءوتتى. برەندتى قازاقشا «Jinalikە» قاراپايىم ءسوزى ارقىلى توپتاپ, سيپاتى مەن ماقساتىن ءبىر ءسوز اياسىنا سىيدىرىپ, تۇسىنۋگە ىڭعايلى ەتىپ جاساۋعا تىرىستىق, دەيدى جوبا ۇيىمداستىرۋشىلارى.
