ەكونوميكا • 20 شىلدە، 2019

قازاقستاننىڭ 14  قالاسىنىڭ كاسىپكەر-ايەلدەرى الماتىدا جينالدى

144 رەت كورسەتىلدى

بيىلعى اقپان ايىنان بەرى ەۋروپا قايتا قۇرۋ جانە دامۋ  بانكىنىڭ (ەقدب) ءبىلىم بەرۋ باعدارلامالارىنا قاتىسقان  قازاقستاننىڭ 14  قالاسىنىڭ كاسىپكەر-ايەلدەرى وسى باعدارلامانىڭ ناتيجەلەرىن شىعارۋ ماقساتىندا الماتىدا باس قوستى.

الماتى قالاسىندا ۇلتتىق ەكونوميكا مين يسترلىگىنىڭ قولداۋىمەن، ەۋروپا قايتا قۇرۋ جانە دامۋ بانكى ۇيىمداستىرعان «شاعىن بيزنەستەگى ايەلدەر» اتتى قاناتقاقتى جوبا قورىتىندىسىنا ارنالعان ءماجىلىس وسىلايشا مارەگە جەتتى. ۇيىمداستىرۋشىلار وسى باعدارلاماعا قاتىسقان ايەلدەرمەن بىرلەسە وتىرىپ، جوبا ناتيجەلەرىمەن ءبولىسىپ، شاعىن بيزنەستىڭ ماسەلەلەرى مەن مۇمكىنشىلىكتەرىن ورتاعا سالدى.

2019 جىلعى اقپان ايىنان باستاپ  ەلىمىزدىڭ 14 قالاسىندا تۇراتىن 373 كاسىپكەر-ايەل  ماركەتينگ، اقپاراتتىق تەحنولوگيالار جانە قارجىنى باسقارۋ سالالارىنداعى تاجىريبەلى كەڭەسشىلەر مەن بيزنەس-ساراپشىلار وتكىزگەن ءتورت ترەنينگكە قاتىسقان بولاتىن.

الىنعان دەرەكتەرگە سۇيەنسەك، 166 قاتىسۋشى ساتۋ كولەمدەرىنىڭ 10 پايىزدان باستاپ 100 پايىزعا دەيىن وسكەنىن، 148 كاسىپكەر ايەل – ورتاشا چەكتى وسىرگەنىن، 239-ى – كليەنتتەر بازاسىن كەڭەيتكەنىن، 258-ءى – اۆتوماتتاندىرۋ قۇرالدارىن قولدانا باستاعانىن جانە سايتتى ازىرلەۋگە كىرىسكەنىن، 56 – قىزمەتكەرلەر قۇرامىن قۇلشىندىرۋ جۇيەسىن وزگەرتكەنىن، 218 كاسىپكەر – قارجى ەسەبىن جانە جوسپارلاۋدى ەنگىزگەنىن، 4 ادام– مەملەكەتتىك جانە جەكە قورلاردىڭ گرانتتارىن ۇتىپ العانىن حابارلاسا، 1 قاتىسۋشى العاشقى فرانشيزاسىن ساتقان.

ودان وزگە، پەتروپاۆلدان كەلگەن قاتىسۋشىلار WomenPartners اتتى ايەلدەر كلۋبىن قۇرعان، مۇنداعى ماقسات – ايەلدەر اراسىنداعى كاسىپكەرلىكتى العا تارتۋ، ونى دامىتۋ جانە ءوز بيزنەسى ءۇشىن جاڭا اۋديتوريا ىزدەستىرۋ بولىپ وتىر.

وسىعان وراي، ءبىلىم بەرۋ باعدارلاماسى جاريالانعان ساتتەن باستاپ، قاتىسۋعا 1243 ادام تىركەلگەنىن اتاپ وتكەن ابزال. ەڭ كوپ تاپسىرىس تۇسكەن وبلىستار قاتارىندا – قاراعاندى، شىمكەنت جانە اقتوبە وڭىرلەرى بار. ءوزىنىڭ تاپسىرىستارىندا كاسىپكەر-ايەلدەر «كليەنتتەردى قالاي تارتۋعا بولادى؟»، «جارناما قاي كەزدە قاۋقارسىز؟»، «قارجىنى باسقارۋ جۇيەسىن قالاي وڭتايلاندىرۋ كەرەك؟»، «ەڭبەكاقىنى كوتەرۋگە مۇمكىندىك بولماعانىندا قىزمەتكەرلەر قۇرامىن قالاي ۇستاپ قالۋعا بولادى؟» سەكىلدى ۇقساس قيىنشىلىقتارىن اتاپ وتىر.

باعدارلاما قاتىسۋشىلارىنىڭ باسىم بولىگى، ياعني كاسىپكەر-ايەلدىڭ 60،8% قىزمەت كورسەتۋ سالاسىندا جەكە كاسىبى بار. بيزنەستىڭ ەكىنشى كەڭ تاراعان باعىتى – ساۋدا، ونىمەن كاسىپكەر-ايەلدەردىڭ 22،9 % اينالىسادى. سونداي-اق بيزنەس-حانىمداردىڭ اراسىندا تانىمال سالالاردىڭ ۇشتىگىنە جەڭىل جانە تاماق ونەركاسىبى كىرەدى. بۇل سالاداعى كاسىپكەر-ايەلدەر سانى 14،5% قۇرايدى.

وقىتۋ باعدارلاماسىن «ديالوگ» اتتى ترەنينگ جانە كونسالتينگ كومپانياسى اتقارعان.

سوڭعى جاڭالىقتار

جارىس پەن تابىس

ەكونوميكا • بۇگىن، 00:00

اقىلدىڭ ازابى

تاريح • كەشە

مەيرامحانالار جانە پاندەميا

كوروناۆيرۋس • كەشە

جۇرت جاعاجاي ىزدەپ ءجۇر

ايماقتار • كەشە

ۇقساس جاڭالىقتار