ايماقتار • 19 شىلدە، 2019

اي سوڭىنا دەيىن جۇمىسىن اياقتايدى

163 رەتكورسەتىلدى

ارىس قالاسىندا ورنالاسقان تۇرعىن ۇيلەردىڭ قىزىلوردا وبلىسىنا تيەسىلى №6 اۋماقتا 14 كوشە بارلىعى 254 جەكە تۇرعىن ءۇي، 5 الەۋمەتتىك جانە 10 كوممەرتسيالىق نىسان ورنالاسقان.

«ارىس قالاسىن قالپىنا كەلتىرۋ جۇمىستارى ايماقتار اراسىندا 17 سەكتورعا بولىنگەن. جوندەۋ جۇمىستارىن جۇرگىزۋگە ءبىزدىڭ وبلىستىڭ 20 قۇرىلىس كومپانياسى جۇمىلدىرىلعان. بارلىعى 186 ادام جۇمىس ىستەپ جاتىر. شىلدە ايىنىڭ سوڭىنا دەيىن بارلىق جۇمىستاردى اياقتاۋدى جوسپارلاپ وتىرمىز»، دەيدى وبلىستىق قۇرىلىس، ساۋلەت جانە قالا قۇرىلىسى باسقارماسىنىڭ باسشىسى مۇحامەديسا السەرىكوۆ.

سونداي-اق 2019 جىلدىڭ 9-18 تامىز ارالىعىندا ارىس قالاسىنان 150 بالا قىزىلوردا وبلىستىق ءبىلىم باسقارماسىنىڭ «وبلىستىق وليمپيادالار مەن قوسىمشا ءبىلىم بەرۋ ورتالىعىندا» تەگىن دەمالادى. بالالار ءۇشىن پسيحولوگيالىق ترەنينگتەر، تاۋعا ەكسكۋرسيالار، ءتۇرلى ۇيىرمەلەر ۇيىمداستىرىلادى.

ارىس قالاسى تۇرعىندارىنا 2800-دەن استام مەملەكەتتىك قىزمەتشى، بيۋدجەتتەن قارجىلاندىرىلاتىن مەكەمەلەر، قوعامدىق جانە ۇكىمەتتىك ەمەس ۇيىمدار، كاسىپورىندار، اكتسيونەرلىك قوعامدار مەن سەرىكتەستىكتەر، شارۋا قوجالىقتارى، جەكە كاسىپكەرلەر مەن مەتسەناتتار قارجىلاي كومەگىن كورسەتتى.

سوڭعى جاڭالىقتار

ۇقساس جاڭالىقتار