ايماقتار • 02 شىلدە، 2019

اعىلعان كومەكتە ەسەپ جوق

208 رەت كورسەتىلدى

قالادا اپاتتان زارداپ شەككەن تۇرعىندارعا، اسىرەسە بالالارعا گۋمانيتارلىق كومەكتەن تىس، پسيحولوگيالىق كومەك كورسەتىلۋدە. العاشقى كۇننەن باستاپ 180 ەرىكتى پراكتيك-پسيحولوگتار مەن پەداگوگ-پسيحولوگتار ارىستا ءجۇر.

24 مىڭنان اسا ادام ەۆاكۋاتسيالانعان ورتالىقتاردا سابيلەردىڭ جان دۇنيەسىندەگى سوققىنى ەمدەگەن گەشتالت-تەراپەۆت پسيحولوگتار قازىر سول جەردە ەمدىك شارالاردى جالعاستىرۋدا. بۇگىنگى تاڭدا تۇرعىنداردىڭ باستان كەشكەن ەموتسيالارىن زەرتتەۋ، بولعان وقيعانى ءتۇسىندىرۋ پسيحولوگتاردىڭ نەگىزگى تەراپياسى بولىپ وتىر.

سونداي-اق ەرىكتىلەر حالىق اراسىندا «باكتەريولوگيالىق قارۋ-جاراقتان، رادياتسيادان جانە اپاتتان كوپتەگەن ادام قايتىس بولدى» دەگەن اقپاراتتىڭ جالعان ەكەنىن ءتۇسىندىرىپ ءجۇر. الەۋمەتتىك جەلىلەردە جۇرتتى دۇرلىكتىرگەن «ارىستىقتار دالادا بوسىپ ءجۇر. ولارعا ازىق-ت ۇلىك جەتپەي جاتىر» دەگەن اقپارات شىندىققا جاناسپايدى.

سەبەبى اپاتتان زارداپ شەككەن ارىستىق­تارعا قازاقستاننىڭ تۇكپىر-تۇكپىرىنەن كومەك كەلۋدە. «ارىس، ءبىز بىرگەمىز!» اكتسياسى بۇكىل رەسپۋبليكا بويىنشا ۇيىمداستىرىلدى.

جەرگىلىكتى بيلىك وكىلدەرى سول كومەكتى رەت-رەتىمەن قالا تۇرعىندارىنا ۇلەس­تىرۋدە. ال باسپاناسىز قالعان تۇرعىندار­دى ۋاقىت­شا قونىستارعا ورنالاستىرۋ بو­يىنشا جۇيەلى جۇمىس جولعا قو­يىل­عان. ارىس قالاسىنداعى ەرەجەپباي مول­­داباەۆ اتىنداعى ورتا مەكتەپتە تۇر­عىندار ۋاقىتشا قونىستاناتىن 800 ورىن دايىندالدى. مۇندا جارىلىس سالدارىنان ۇيلەرى تولىق بۇزىلعان جانە جارامسىز كۇيگە تۇسكەن تۇرعىندار ورنالاسۋدا. بۇل ورتالىقتا قونىستانۋشىلار 3 مەز­گىل تاماقپەن جانە جاتىن ورىندار­مەن قامتىلدى. بالالارعا ارنالعان ويىن الاڭشالارى دا قاراستىرىلعان. ال جارى­­لىس­تان زاقىم كەلگەن ۇيلەر تولىق ءجون­دەل­گەن سوڭ تۇرعىندار ءوز شاڭىراق­تارىنا ورالماق.

ارىس قالاسىنداعى جارىلىستان زارداپ شەككەن تۇرعىندارعا جان-جاقتان كەلىپ جاتقان گۋمانيتارلىق كومەك كۇن ساناپ ۇلعايۋدا. بۇگىنگى كۇنگە دەيىن قويماعا 270 توننا قاجەتتى ازىق-ت ۇلىك ونىمدەرى، كيىم-كەشەك، گيگيەنالىق زاتتار جينالسا، سونىڭ 198 تونناسى تۇرعىندارعا بەرىلدى. گۋمانيتار­لىق كومەكتىڭ 70 تونناسى كەشە تاراتىلدى. قوسىمشا ارىسقا قاراي 10 جۇك كولىگى كەلە جاتقانىن ايتا كەتەيىك.

كۇنى كەشە قاراعاندى، جامبىل، قىزىلوردا، اقتوبە، بقو، سقو، پاۆلودار، قوس­تاناي، الماتى وبلىستارى مەن الماتى جانە شىمكەنت قالالارىنان ارىسقا جىبەرىلگەن 150 توننا زاتتىڭ 80 توننادان استامى تۇرعىندارعا تاراتىلدى. نۇر-سۇلتان قالاسى مەن وزگە دە ايماقتاردان ازىق-ت ۇلىك تيەلگەن جۇك كولىكتەرى ارىستى بەتكە الدى.

ارىستاعى توتەنشە جاعدايعا بايلانىستى «تۇركىستان» كورپوراتيۆتىك الەۋمەتتىك دامۋ قورى­نا تۇسكەن قارجى كولەمى 1 ملرد تەڭگەدەن استى. قور ءالى دە شوتتا جيناقتالىپ، ارنايى كو­ميس­سيا ارقىلى تۇرعىندارعا بەرىلەتىن بولادى.

قالاداعى بارلىق ۇيگە سۋىق سۋ كەلدى. الايدا كەشە ورتالىق جەلىدە شىققان اقاۋدان 1500-دەي ابونەنت ۋاقىتشا سۋسىز قال­عان ەدى. جوندەۋ جۇمىستارى بارىسىندا سۋ جەتكىزۋ جەلىسىن ۇزگەن سنارياد تابىلدى. اقاۋدى جوندەۋ جۇمىستارى اياقتالعان سوڭ تۇرعىندارعا سۋ تۇراقتى بەرىلە باستادى.

30 ماۋسىم كۇنى ارىس قالاسىنىڭ 140 وقۋ­شىسى اقمولا وبلىسىنداعى بۋرابايعا وقۋ­شى­لار لاگەرىنە دەمالىسقا كەتسە، 200 وقۋ­شى نۇر-سۇلتان قالاسىنا جول ءجۇردى. ولار­دىڭ قاۋىپ­سىزدىگىنە تالىمگەرلەر جاۋاپ بەرەتىن بولادى.

ارىستىق بالالاردى دەمالىسقا جىبەرۋدەگى باستى ماقسات – توتەنشە جاعداي فاكتورلارى سالدارىنان مەكتەپ وقۋشىلارىنا پسيحولوگيالىق كومەك كورسەتۋ. وسى ورايدا جيىنى 340 وقۋشىنى اتا-انالارى شىمكەنت قالاسىنداعى تەمىر جول ۆوكزالىنان شىعارىپ سالىپ، ءسات-ساپار تىلەدى.

ايتا كەتەيىك، ارىس قالاسىنداعى 40 مەكتەپتە 19 916 بالا ءبىلىم الادى، مەكتەپكە دەيىنگى ۇيىمداردا 5071 بالا تاربيەلەنىپ جاتىر. جالپى، بۇگىنگى كۇنگە دەيىن ارىستىق 570 بالا جازعى ساياحاتقا جىبەرىلدى.

سوڭعى جاڭالىقتار

بۇعىبۇلاۋ

قازاقستان • كەشە

جۇزە ءبىلۋ – ءومىر

قوعام • كەشە

ولكەتانۋشى

قازاقستان • كەشە

كەبەنەك

تاريح • كەشە

ساۋكەلە

ونەر • كەشە

ۇقساس جاڭالىقتار