شەتەلدىك ينۆەستورلاردىڭ ۇلەسى زور

2018 جىلدىڭ قورىتىندىسى بو­يىنشا تىكەلەي شەتەلدىك ينۆەس­تيتسيالاردىڭ جالپى اعىنى 15,8%-عا ءوسىپ, 24,3 ملرد اقش دوللارىن قۇراعان. تاعى ءبىر ەرەكشە توق­تالا كەتەر جايت, 2018 جىلى شەتەل­دىك ينۆەستورلار 6 مىڭعا جۋىق تۇراقتى جۇ­مىس ورنىن اشقان.

سىرتقى ىستەر ءمينيسترىنىڭ ورىنباسارى ە.كوشەرباەۆتىڭ ايتۋىنشا, 2018 جىلى نەگىزگى ينۆەس­تور ەلدەر قاتارىنا نيدەر­لاندى, اقش, شۆەيتساريا, رەسەي, قىتاي, بەلگيا, فرانتسيا, ۇلى­بري­تانيا, جانە كورەيا رەسپۋبلي­كاسى ەنگەن.

ەلىمىزدىڭ تۇڭعىش پرەزي­دەنتى – ەلباسى نۇرسۇلتان نازار­باەۆ­تىڭ تاپسىرماسى بويىنشا, وتكەن جىلدىڭ جەلتوقسان ايىندا ينۆەس­تيتسيالار تارتۋ قىز­مەتى سىرتقى ىستەر مينيسترلىگىنە بەرىلدى.

وسىلايشا قازىرگى تاڭدا ينۆەستورمەن جانە جو­بامەن ناقتى جۇمىس ىستەۋگە ءمۇم­كىندىك بەرەتىن شەتەلدىك مە­كە­مە­لەر-ورتالىق-ءوڭىر فورماتىن­دا ءۇش دەڭگەيلى جۇيە قۇ­رىلدى. مۇن­داي مەحانيزم جاڭا جوبالار مەن ين­ۆەستورلاردى انىق­تاۋعا ءمۇم­كىن­دىك بەرەدى, جوبانى باستا­ما­شى­­لىق ەتۋ مەن ونى ىسكە اسىرۋ ارا­سىن­داعى جولدى قىس­قارتادى. سو­نى­مەن قاتار جىل باسى­نان بەرى قازاق­ستاننىڭ شەت­ەل­دەردەگى مەكە­مەلەرى شەتەل­دىك كوم­پانيا­لارمەن 140-قا جۋىق كەز­دەسۋ وتكىزىپ, ىسكە اسىرۋعا الە­ۋە­تى جوعارى 128 جوبانى انىقتاعان.

وسى باعىتتا ۇكىمەتتىڭ اتىنان بىرىڭعاي كەلىسسوز جۇرگىزەتىن جانە ينۆەستورلاردى يدەيادان جوبانى ىسكە اسىرۋعا دەيىن سۇيەمەلدەي­تىن «Kazakh Invest» ۇلتتىق كومپانياسى دا ماڭىزدى ءرول اتقارا­دى. سونداي-اق «استانا» حالىقارا­لىق قارجى ورتالىعى ءتيىستى قارجى قۇرالدارىمەن جانە حالىقارالىق دەڭ­گەيدەگى قىز­مەتتەرىمەن ءوز الا­ڭىن ۇسىنادى.

ءباسپاسوز كونفەرەنتسياسىندا سونداي-اق ءىرى جوبالاردى ىسكە اسى­رۋ ءۇشىن رەزەرۆتەر بار باسىم سەك­تورلار اتاپ ءوتىلدى. ولار – ازىق-ت ۇلىك ونەركاسىبى, اگروحيميا, اۋىل­­شارۋاشىلىق تەحنيكا­سى, گاز حي­ميا­سى, اقپاراتتىق-كوم­مۋ­ني­كا­تسيا­لىق تەحنولوگيالار, تاۋ-كەن مەتال­لۋرگيالىق كەشەنى.

قازاقستانداعى ينۆەستيتسيا­لىق كليماتتى جاقسارتۋ ءجونىن­دەگى جۇمىس تۋرالى ە.كوشەرباەۆ: «ءسىم-ءنىڭ ينۆەستورلارعا تەك اق­پارات پەن كەڭەس قانا ەمەس, سونداي-اق مەملەكەتتىك قىز­مەت ­كورسەتۋگە ار­نالعان ءبىرىڭ­عاي الاڭ بولاتىن فرونت-كەڭسە­لەردى قۇرۋ بويىنشا جۇ­مىستار جۇرگىزىپ جاتىر», دەدى. سون­داي-اق سىرتقى ىستەر ءمينيسترى ورىن­­باسارىنىڭ ايتۋىنشا, ينۆەس­تي­تسيا­لىق كليماتتى جاقسارتۋ ءجو­نىن­دەگى جۇمىستار جالعاسا بەرمەك.