دامۋعا باستاعان ينديكاتور
بۇل سايلاۋ قازاقستاننىڭ دەموكراتيالىق دامۋ ينديكاتورىنا اينالدى. تاۋەلسىز قازاقستاننىڭ تۇڭعىش پرەزيدەنتى نۇرسۇلتان نازارباەۆتىڭ جۇرگىزگەن ساليقالى ساياساتى بۇل تۇتاستاي ەل تۋرالى وڭ كوزقاراستىڭ قالىپتاسۋىنا اسەر ەتتى. ال پرەزيدەنتتىك سايلاۋدى وتكىزۋ ارقىلى قازاقستان حالقىمەن ساناساتىن ەركىن ەل ەكەندىگىن دالەلدەدى. مۇنى وتە ماڭىزدى دەپ ەسەپتەيمىن.
ساراپشى رەتىندە قازاقستان تۋرالى ايتارىم, جاپونيادا قازاقستان جايلى بۇقارالىق اقپارات قۇرالدارىنىڭ ارقاسىندا جاعىمدى يميدج قالىپتاسقان. توكيو مەن نۇر-سۇلتاندى جالعايتىن تىكەلەي رەيستىڭ اشىلۋى ەكى ەل اراسىنداعى ءوزارا ىنتىماقتاستىقتى بەكىتىپ, تۋريزم سالاسىنىڭ دامۋىنا جول اشادى دەپ ويلايمىن. جاڭا پرەزيدەنتتىڭ ەكونوميكانى مىقتاپ قولعا الىپ, ەلدەگى الەۋمەتتىك تەپە-تەڭدىكتى رەتتەۋگە كۇش سالاتىنىنا دا ەش كۇمانىم جوق.
ميچيو تومي,
حالىقارالىق ۆاليۋتالىق قاتىناستار ينستيتۋتىنىڭ قۇرمەتتى پروفەسسورى (جاپونيا)
حالىق ءوز باسشىسىن دۇرىس تاڭدادى
قازاقستان حالقىن جاڭا پرەزيدەنتتىڭ رەسمي قىزمەتىن باستاعانىنا وراي شىن جۇرەكتەن قۇتتىقتايمىن. قاسىم-جومارت توقاەۆ – الەمدىك دەڭگەيدەگى تانىمال ساياساتكەرلەردىڭ ءبىرى. ونىڭ پرەزيدەنت بولۋى – الداعى ۋاقىتتا قازاقستاننىڭ حالىقارالىق داۋلار مەن شيەلەنىستەردى شەشۋدەگى ارااعايىندىق ءرولىنىڭ ارتا تۇسۋىنە كەپىل.
ق.توقاەۆ حالىقارالىق بەيبىتشىلىك پەن قاۋىپسىزدىككە ۇلكەن ۇلەس قوساتىنى ءسوزسىز. قازاقستان حالقىن ەل باسشىسى دۇرىس تاڭداعانى ءۇشىن تاعى دا قۇتتىقتايمىن.
سايد حاني,
«گومحۋريا» گازەتى رەداكتورىنىڭ ورىنباسارى, حالىقارالىق ىستەر بويىنشا ساراپشى (مىسىر)
قازاقستان – الەۋەتى زور ەل
جاقىندا وتكەن پرەزيدەنت سايلاۋى قازاقستاننىڭ الەمدىك قوعامداستىق الدىنداعى بەدەلىن كۇشەيتتى. مەنىڭ جاڭا سايلانعان پرەزيدەنت قاسىم-جومارت توقاەۆتى جانە تۇڭعىش پرەزيدەنت نۇرسۇلتان نازارباەۆتى قۇتتىقتاعىم كەلەدى.
سىن ايتۋ وڭاي, بىراق قىسقا ۋاقىت ىشىندە مىقتى مەملەكەت قۇرۋ وتە قيىن. قازاقستان بۇگىندە وراسان زور ەكونوميكالىق كۇشكە يە. بۇل رەتتە وزگە ەلدە جوق مۇمكىندىكتەردى ەرەكشە اتاپ وتۋگە بولادى. قازاقستان – دەموكراتيالىق مەملەكەت. مۇندا قاراپايىم حالىق ءۇشىن دە, باق ءۇشىن دە بارلىق قاجەتتى جاعداي جاسالعان. مەنىڭ ويىمشا, قازاقستان حالقى مەن ۇكىمەتىنىڭ مىقتى ۇلتتى ساقتاپ قالۋ ءۇشىن بىرلىكتە ارەكەت ەتەتىنى ءسوزسىز.
نادارادجا سەتۋرۋپان,
«Norway News» پورتالىنىڭ باس رەداكتورى
(نورۆەگيا)
