وتىرىستىڭ جۇمىسىنا العاش رەت قازاقستان رەسپۋبليكاسى قارجى مينيسترلىگى مەملەكەتتىك كىرىستەر كوميتەتىنىڭ توراعاسى مارات ەلەۋسىز ۇلى سۇلتانعازيەۆ قاتىستى.
تمد كقبك الاڭىندا وعان كەدەن ساياساتىنىڭ نەگىزگى اسپەكتىلەرى بويىنشا تمد قاتىسۋشى مەملەكەتتەردىڭ كەدەن قىزمەتتەرىنىڭ پراكتيكالىق ءوزارا ءىس-قيمىلىن ۇيلەستىرۋ بويىنشا جۇكتەلگەن مىندەتتەرى ءساتتى شەشىلۋدە. ءوتىپ جاتقان وتىرىستا بىرقاتار ماسەلەلەر تالقىلاندى جانە شەشىمدەر قابىلداندى.
1994 جىلعى 15 ساۋىردەگى كەدەن ىستەرىندەگى ىنتىماقتاستىق جانە ءوزارا كومەك تۋرالى كەلىسىمگە وزگەرىستەر ەنگىزۋ تۋرالى حاتتامانىڭ كۇشىنە ەنۋى تۋرالى شەشىمگە قول قويۋ نەگىزگى ماسەلەلەردىڭ بىرىنە اينالدى. جيناقتالعان تاجىريبەنى, جاڭارتىلىپ جاتقان كەدەن زاڭناماسىن جانە ەۋرازيالىق ەكونوميكالىق وداقتىڭ قۇرىلۋىن ەسەپكە الا وتىرىپ, ءوزارا ءىس-قيمىلدىڭ قولدانىستاعى ءتارتىبىن قايتا قاراۋ قاجەتتىگى تۋىندادى.
سونداي-اق وتىرىس بارىسىندا تاۋەلسىز مەملەكەتتەر دوستاستىعىنا قاتىسۋشى مەملەكەتتەردىڭ كەدەن ورگاندارىنىڭ كولىكتىك (تاسىمالداۋ) جانە كوممەرتسيالىق قۇجاتتاردا كەدەن ورگاندارىنىڭ مورلەرى مەن ءمورتاباندارىن قويۋ ءتارتىبى تۋرالى كەلىسىم جوباسى ماقۇلداندى.
تەمىرجول كولىگىمەن وتكىزىلەتىن تاۋارلارعا كەدەندىك باقىلاۋدى جانە كەدەندىك وپەراتسيالاردى (كەدەندىك رەسىمدەۋ) جۇرگىزۋ كەزىندە تمد قاتىسۋشى مەملەكەتتەردىڭ كەدەن ورگاندارى مەن تەمىرجول تاسىمالداۋشىلارىنىڭ ءوزارا ءىس-قيمىل تيپتىك تەحنولوگياسى بەكىتىلدى.
سوڭىندا تاراپتار ىنتىماقتاستىقتىڭ ستراتەگيالىق ماڭىزدى ماسەلەلەرىن تالقىلاۋ جانە شەشۋ ءۇشىن تۇراقتى كەزدەسۋلەردى وسىنداي فورماتتا وتكىزۋدىڭ جانە تىعىز ءوزارا ءىس-قيمىلدىڭ ماڭىزدىلىعىن اتاپ ءوتتى.
سونداي-اق كەدەن وداعىنا مۇشە مەملەكەتتەردىڭ كەدەن قىزمەتتەرىنىڭ بىرىككەن القاسىنىڭ 31-ءشى وتىرىسى ءوتتى.
قازاقستان رەسپۋبليكاسى قارجى مينيسترلىگىنىڭ مەملەكەتتىك كىرىستەر كوميتەتى وسى وتىرىستاردىڭ تۇراقتى قاتىسۋشىسى بولىپ تابىلادى. قازاقستاندىق دەلەگاتسيانى سۇلتانعازيەۆ مارات ەلەۋسىز ۇلى باسقاردى.
كەڭەستە قولدانىستاعى كەدەندىك زاڭنامانى جەتىلدىرۋگە باعىتتالعان بىرقاتار وزەكتى ماسەلەلەرى قارالدى.
ەۋرازيالىق ەكونوميكالىق وداققا مۇشە مەملەكەتتەردىڭ كەدەن قىزمەتتەرى باسشىلارىمەن ەكىجاقتى كەزدەسۋلەردىڭ شەڭبەرىندە ەۋرازيالىق ەكونوميكالىق وداقتىڭ كەدەندىك اۋماعى ارقىلى تاۋارلار ءترانزيتىنىڭ بىرىڭعاي جۇيەسىن قۇرۋ جانە باسقا دا كوپتەگەن ماسەلەلەر تالقىلاندى.
سونداي-اق, بىشكەككە ساپارى بارىسىندا قىرعىز رەسپۋبليكاسىنىڭ ۇكىمەتى جانىنداعى مەملەكەتتىك سالىق قىزمەتى باسشىلىعىمەن سالىقتىق اكىمشىلەندىرۋ ماسەلەلەرى بويىنشا ەكىجاقتى كەزدەسۋ ءوتتى.
كەلىسسوزدەر قورىتىندىسى بويىنشا ەكىجاقتى ىنتىماقتاستىقتى ءارى قاراي جالعاستىرۋعا جانە نىعايتۋعا دايىن ەكەندىگى ايتىلدى.
