پارلامەنتشىلەر اليانستىڭ رەسەيمەن قاتىناسىن, اليانس پەن ەۋرازيالىق وداقتىڭ قاۋىپسىزدىك سالاسىنداعى ىنتىماقتاستىعىنىڭ كەلەشەگىن, كيبەرقاۋىپسىزدىك, تسيفرلىق نارىقتار, تەرروريزممەن كۇرەس, اۋعانستان مەن يراكتى قالپىنا كەلتىرۋ, يادرولىق قارۋدى تاراتپاۋ ماسەلەلەرىن تالقىلادى.
قازاقستاندىق دەپۋتاتتار قۇرامىندا «سلوۆاكيا-قازاقستان» دوستىق توبىنىڭ باسشىسى پ.مارچەك, قورعانىس جانە قاۋىپسىزدىك, ءبىلىم, عىلىم, جاستار جانە سپورت كوميتەتتەرىنىڭ توراعالارى ا.حرنكو مەن ل.پەتراك بار سلوۆاكيا رەسپۋبليكاسى ۇلتتىق كەڭەسىنىڭ دەلەگاتسياسىمەن كەزدەستى. كەزدەسۋ اياسىندا تاراپتار ەكىجاقتى ىنتىماقتاستىقتى, پارلامەنتارالىق ۇنقاتىسۋدى ودان ءارى دامىتۋ ماسەلەلەرىن تالقىلاپ, حالىقارالىق جاعداي تۋرالى پىكىر الماستى.
پارلامەنتشىلەر سول كۇنى سلاۆين مەموريالىندا, ەكىنشى دۇنيەجۇزىلىك سوعىس كەزىندە براتيسلاۆانى جاۋدان ازات ەتۋدە قازا بولعان كەڭەس اسكەرى جاۋىنگەرىنىڭ قۇرمەتىنە ورناتىلعان ەسكەرتكىشتە بولدى.
