ەلىمىز ءۇشىن ماڭىزدى ستراتەگيالىق شەشىمدەر قابىلداناتىن وسىناۋ عاجاپ عيمارات تۋرالى كوپتەگەن قىزىقتى دەرەكتەرمەن تانىسقانىن ايتادى. جىلوي اۋدانى, تۇرعىزبا اۋىلىنداعى №4 م.اۋەزوۆ اتىنداعى ورتا مەكتەبىنىڭ 6 سىنىپ وقۋشىسى نۇربولات مارات ۇلىنىڭ نۇر-سۇلتان قالاسىنا العاش رەت كەلۋى.
«ماعان پرەزيدەنتپەن كەزدەسۋگە باراسىڭ دەگەندە ەرەكشە قۋاندىم. اقوردانىڭ ءىشىن ارالاپ, تانىستىق. قاسىم-جومارت كەمەل ۇلى بالالارمەن جەكە سۋرەتكە ءتۇسىپ, بىرگە اڭگىمەلەستى. ول كىسى وتە قاراپايىم كىسى ەكەن», دەيدى نۇربولات. نۇربولات وزات وقۋشى, «قۇرمانعازى-200 جىل» اتتى رەسپۋبليكالىق كونكۋرسىنىڭ گران-پري يەگەرى. «ماعان العاش دومبىرانى ۇيرەتكەن انام. قازىر دومبىرانىڭ 4 سىنىبىن ءبىتىردىم. وتباسىندا جەتى ادامبىز», دەيدى ول.
ال ايانا جاڭبىرباەۆا اتىراۋ قالاسى №34 كوپسالالى مەكتەپ گيمنازياسىنىڭ 10 سىنىپ وقۋشىسى. جاستايىنان زەرەكتىگىمەن ۇستازدارىنىڭ كوزىنە تۇسكەن وقۋشى گۋمانيتارلىق پاندەردەن العىرلىعىن تانىتىپ, وبلىستىق, رەسپۋبليكالىق سايىستاردا جۇلدەلى بەلەستەردى باعىندىرىپ ءجۇر.
«مەملەكەت باسشىسى ەلىمىزدەگى تالانتتى, ۇزدىك وقۋشىلاردى جيناپ, كەزدەسۋ وتكىزدى. جاستارعا ءۇمىت ارتاتىنىن ايتتى. بۇل ءسوزى ماعان ەرەكشە سەنىم سىيلادى, كەلەشەكتە مىقتى مامان بولىپ, ەلگە ەڭبەك ەتكىم كەلەدى. وسى رەتتە ۇستازدارىم مەن وبلىستىق ءبىلىم بەرۋ باسقارماسىنىڭ باس مامانى ايناگۇل جۇماعازيەۆاعا العىس بىلدىرەمىن», دەيدى ايانا.
