كيەۆتەگى كارديولوگيالىق ورتالىقتا
سارسەنبى, 13 اقپان 2013 7:07
قازاقستاننىڭ ۋكرايناداعى ەلشىسى زاۋىتبەك تۇرىسبەكوۆ كيەۆتەگى بالالار كارديولوگياسى مەن كارديوحيرۋرگياسى عىلىمي-پراكتيكالىق مەديتسينالىق ورتالىعىندا بولدى. بۇل ورتالىق وسى سالاداعى كوشباسشى ۇجىمدارىنىڭ ءبىرى ءارى ۋكراينانىڭ بىردەن-ءبىر مامانداندىرىلعان مەديتسينالىق مەكەمەسى بولىپ تابىلادى. بالالار كارديولوگياسى ورتالىعى ۋكراينا ازاماتتارىمەن بىرگە, باسقا دا كوپتەگەن ەلدەردەن, سونىڭ ىشىندە قازاقستان, مولدوۆا, بەلارۋس, ازەربايجان, قىرعىزستان, رەسەي, وزبەكستان مەملەكەتتەرىنەن كەلگەن پاتسيەنتتەردى جۇيەلى ەمدەپ, وپەراتسيا جاساپ كەلەدى.
سارسەنبى, 13 اقپان 2013 7:07
قازاقستاننىڭ ۋكرايناداعى ەلشىسى زاۋىتبەك تۇرىسبەكوۆ كيەۆتەگى بالالار كارديولوگياسى مەن كارديوحيرۋرگياسى عىلىمي-پراكتيكالىق مەديتسينالىق ورتالىعىندا بولدى. بۇل ورتالىق وسى سالاداعى كوشباسشى ۇجىمدارىنىڭ ءبىرى ءارى ۋكراينانىڭ بىردەن-ءبىر مامانداندىرىلعان مەديتسينالىق مەكەمەسى بولىپ تابىلادى. بالالار كارديولوگياسى ورتالىعى ۋكراينا ازاماتتارىمەن بىرگە, باسقا دا كوپتەگەن ەلدەردەن, سونىڭ ىشىندە قازاقستان, مولدوۆا, بەلارۋس, ازەربايجان, قىرعىزستان, رەسەي, وزبەكستان مەملەكەتتەرىنەن كەلگەن پاتسيەنتتەردى جۇيەلى ەمدەپ, وپەراتسيا جاساپ كەلەدى.
ەلشى ز.تۇرىسبەكوۆ وسى ورتالىقتىڭ باسشىسى, بەلگىلى كارديوحيرۋرگ, مەديتسينا عىلىمدارىنىڭ دوكتورى, ۋكراينانىڭ ەڭبەك سىڭىرگەن دارىگەرى, قازاقستان دوستارى كلۋبىنىڭ مۇشەسى يليا ەمەتسپەن كەزدەستى. اڭگىمە بارىسىندا بالالار كارديولوگياسى مەن كارديوحيرۋرگياسى ورتالىعى جانە قازاقستان دارىگەرلەرى اراسىنداعى ارىپتەستىكتى تەرەڭدەتۋ جايى تالقىلاندى. ي.ەمەتس كلينيكا ماماندارىنىڭ جوعارى كاسىبي الەۋەتى جونىندە ايتا كەلىپ, ورتالىقتىڭ ماتەريالدىق-تەحنيكالىق جاراقتاندىرىلۋىن جانە قازىرگى زامانعى قۇرال-جابدىقتاردىڭ مۇمكىندىگى قانداي ەكەندىگىن كورسەتتى. سونداي-اق, الماتى قالاسىنداعى پەدياتريا جانە بالالار حيرۋرگياسى عىلىمي ورتالىعىمەن بايلانىستىڭ جىلدان جىلعا نىعايىپ كەلە جاتقانىن تىلگە تيەك ەتتى.
ءوز كەزەگىندە ەلشى مەملەكەت باسشىسى ن.ءا.نازارباەۆتىڭ قازاقستان حالقىنا ارناعان «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» جولداۋىندا العا قويعان مىندەتتەر جايىندا كەڭىنەن اڭگىمەلەدى. ەلباسىنىڭ استانا قالاسىندا مەديتسينالىق كلاستەر قۇرۋ باستاماسىنا ەرەكشە نازار اۋدارىپ, ي.ەمەتستى جانە كلينيكا دارىگەرلەرىن تاجىريبە الماسۋ, كوشپەلى وپەراتسيالار جاساۋ ماقساتىندا ەلورداعا كەلۋگە شاقىردى, ۋكراينالىق ورتالىقتىڭ بازاسىندا قازاقستاندىق كارديولوگ دارىگەرلەردىڭ بىلىكتىلىگىن ارتتىرۋ جونىندەگى ىنتىماقتاستىقتى جانداندىرۋدى ۇسىندى.
وسى ورتالىقتا قازاقستاننان كەلگەن بەس جاسار قىز ەمدەلىپ جاتىر. بۇعان دەيىن ونىڭ تۋا بىتكەن كۇردەلى جۇرەك اقاۋىنا الەمنىڭ كەيبىر كلينيكالارى وپەراتسيا جاساۋدان باس تارتقان سوڭ, اتالعان ۋكراينالىق كارديولوگيا ورتالىعى ديرەكتورىنىڭ ورىنباسارى, جەتەكشى حيرۋرگ ا.د.بابلياك وپەراتسياعا تاۋەكەل ەتكەن-ءدى. قازىر دارىگەرلەر بالانىڭ ءومىرى مەن دەنساۋلىعىنا الاڭداپ وتىرعان جوق, تاياۋ كۇندەرى ونى جانساقتاۋ بولىمىنەن جالپى بولىمگە اۋىستىرماق. قازاقستان ەلشىسى ز.تۇرىسبەكوۆ دارىگەرلەرمەن, بالانىڭ اناسىمەن سويلەسىپ, جاس قازاقستاندىقتىڭ دەنساۋلىق جاعدايىن سۇراپ ءبىلدى. بالانىڭ اناسى قامقورلىق جاساعاندارى ءۇشىن كارديولوگيالىق ورتالىق ۇجىمىنا, قازاقستان ديپلوماتتارىنا جانە وپەراتسيا جاساۋعا قارجىلاي كومەك كورسەتكەن وليمپيادا چەمپيونى ا.ۆينوكۋروۆقا شەكسىز العىسىن ءبىلدىردى.
سەرىك شالقار.
ۋكراينا.
