تاماق قالدىقتارى جانە تۇراقتى دامۋ جونىندەگى حالىقارالىق ساراپشى ستيۆەن فينن: «تۇتىنۋ داعدارىسى تۋرالى ايتقاندا, ءوندىرىستى ايتپاي كەتە المايمىز. بۇگىن الەمدە 800 ميلليون ادام اشتىقتا ءومىر سۇرەدى. كوپ جەردە سۋ تاپشىلىعى بايقالۋدا. مىسال رەتىندە ايتار بولساق, وسىدان 70 جىل بۇرىن اقش تاماقتى ۇنەمدەۋگە اسا جاۋاپكەرشىلىكپەن قارايتىن. قازىر مۇلدە ولاي ەمەس, جاپپاي ىسىراپشىلدىققا جول بەرىلدى. جەلىنبەگەن تاعامدار قالدىققا تاستالادى. بۇل ەكولوگياعا دا كەرى ىقپالىن تيگىزۋدە. ەنەرگەتيكا داعدارىسى مەن ازىق-ت ۇلىك تاپشىلىعىن ءبىر-بىرىنەن ءبولىپ قاراۋعا بولمايتىن ماسەلەلەر. ءبىز تۇتىنۋدى وزگەرتۋ ءۇشىن توسىن قادامدارعا بارۋىمىز كەرەك. رەسمي دەرەك بويىنشا شەكتەن تىس تاماقتانۋ الەم جۇرتشىلىعىنىڭ ءومىر ءسۇرۋ ۇزاقتىعىن ايتارلىقتاي قىسقارتىپ وتىر. ەنەرگيانى شەكتەن تىس قولدانۋ دا ءدال وسىنداي قايشىلىقتارعا اكەلىپ سوقتىرادى. ءبارىنىڭ ءوز تەڭگەرىمى بولۋى ءتيىس»,-دەيدى.
ال پاراگۆايلىق جۋرناليست حاسمين اكۋنيا, الەمنىڭ تۇكپىر-تۇكپىرىندە ورىن الىپ جاتقان كۇردەلى جاعدايلاردى حالىقارالىق قاۋىمداستىققا جەتكىزۋدە اقپارات قۇرالدارىنىڭ ۇستەمدىگى جوعارى ەكەنىن ايتادى.
«پاراگۆايداعى تاعام داعدارىسى بۇگىن اسا كۇردەلى ماسەلەنىڭ ءبىرى. بۇل پروبلەمانى بۇكىل اقپاراتتىق كەڭىستىككە شىعارۋ ءبىز ءۇشىن وڭاي بولعان جوق. كەدەيلىكتى جويۋ, بالالاردىڭ ءبىلىم الۋىنا تولىققاندى جاعداي جاساۋ, باستى ماسەلە», – دەيدى شەتەلدىك جۋرناليست.
