مەديا فورۋمنىڭ ارناۋلى مەيمانى - ارمەنيا پرەزيدەنتى ارمەن ساركيسيانمەن كەزدەسۋ بارىسىندا ەكىجاقتى ىنتىماقتاستىقتى ودان ءارى نىعايتۋ ماسەلەلەرى تالقىلاندى.
تاراپتار پارلامەنت سەناتى مەن ارمەنيا ۇلتتىق جينالىسىنىڭ دوستىق توبىنىڭ دەپۋتاتتارى اراسىندا تاياۋدا بولعان كەزدەسۋدىڭ ماڭىزدىلىعىن اتاپ ءوتتى, وندا ەكى ەلدىڭ زاڭ شىعارۋ ورگاندارى اراسىنداعى ءوزارا ءىس-قيمىلدى تەرەڭدەتۋ تۋرالى ۋاعدالاستىققا قول جەتكەن بولاتىن.
ارمەنيا پرەزيدەنتى ءىرى حالىقارالىق مەديا قۇرىلىمداردىڭ وكىلدەرى مەن الەمدىك دەڭگەيدەگى ساراپشىلار باس قوساتىن ەۋرازيالىق مەديا فورۋمنىڭ الەۋەتى زور ەكەنىن اتاپ ءوتتى. قازىرگى ۋاقىتتا فورۋمعا 60 ەلدەن 500-دەن استام دەلەگات قاتىسىپ كەلەدى. «بۇگىنگى الەم – دەگلوباليزاتسيا ۇدەرىستەرىن, تۇتىنۋ داعدارىسىن, مەديا-سالانى تسيفرلاندىرۋ, سونداي-اق جاڭا تەحنولوگيالار مەن جاساندى ينتەللەكتپەن ۇشتاسقان دامۋ مۇمكىندىكتەرى مەن سىن-قاتەرلەردى تالقىلاۋ» بيىلعى جىلعى فورۋمنىڭ تاقىرىبىنا اينالىپ وتىر.
ءEuronewsتىڭ ارىپتەستىك جانە ءارتاراپتاندىرۋ جونىندەگى اعا ۆيتسە-پرەزيدەنتى ك. ويكونومۋمەن كەزدەسۋ بارىسىندا ەامف پىكىرسايىستارىنىڭ ماڭىزى مەن ونىڭ ءوسىپ كەلە جاتقان بەدەلى اتاپ كورسەتىلدى.
«ءبىز اشىق پىكىرلەسۋ ىمىراسىز ۇستانىمداردى جاقىنداستىرۋدى, ءوزارا تۇسىنىستىك پەن توزىمدىلىككە ىقپال ەتۋىن, ورتاق ماسەلەلەردى شەشۋ ءۇشىن كۇش-جىگەردى بىرىكتىرۋدى قالايمىز», - دەدى ەۋرازيالىق مەديا فورۋم ۇيىمداستىرۋ كوميتەتىنىڭ توراعاسى داريعا نازارباەۆا.
