كەزدەسۋ بارىسىندا سەناتورلار زامان دامۋىنان قالماي, عىلىمدى دامىتۋ مەن جاڭا تەحنولوگيالاردى مەڭگەرۋ جانە تاجىريبە جۇزىندە عىلىمي جاڭالىقتاردى پايدالانۋ قاجەتتىگىن اتاپ ءوتتى.
وڭىرگە ساپار اياسىندا دەپۋتاتتار ج.دوسمۇحامەدوۆ اتىنداعى پەداگوگيكا كوللەدجىندە بولدى. ۇستازدار قاۋىمى شاعىن جيناقتى اۋىلدىق مەكتەپتەر ءۇشىن مۇعالىمدەر دايارلاۋ باعىتتارىن جىكتەۋدى زاڭناماعا ەنگىزۋ تۋرالى ۇسىنىس ايتتى. سونداي-اق, جاس ماماندارعا سانات بەرۋ, پەداگوگيكا كوللەدجدەرى تۇلەكتەرىنىڭ ەڭبەكاقىسىن ارتتىرۋ ماسەلەلەرى قوزعالدى.
دەپۋتاتتار سونىمەن قاتار ورال قالاسىنىڭ №1 قالالىق اۋرۋحاناسىندا بولىپ, دارىگەرلىك قىزمەت كورسەتۋ بارىسىمەن تانىستى.
ورال قالاسىنىڭ №33 ورتا مەكتەبىندەگى وقىتۋشىلارمەن كەزدەسۋدە اپاتتىق جاعدايداعى مەكتەپ ءۇشىن جاڭا عيمارات سالۋ ماسەلەسى كوتەرىلدى. ول ءۇشىن رەسپۋبليكالىق بيۋدجەتتەن 1 175,040 ملن تەڭگە, جەرگىلىكتى بيۋدجەتتەن - 130,559 ملن تەڭگە قاراجات ءبولۋ قاجەتتىگى ايتىلدى.
ورال قالالىق جۇمىسپەن قامتۋ ورتالىعىندا بولعان كەزدە دەپۋتاتتار ورتالىقتىڭ جۇمىسىمەن تانىسىپ, قىزمەتكەرلەردىڭ جەتىسپەۋشىلىگى مەن مەكەمە اسسيستەنتتەرىنىڭ ەڭبەكاقىسىن ارتتىرۋ ماسەلەلەرىن تالقىلادى.
