ا. ابىلقاسوۆا 1976 جىلى سولتۇستىك قازاقستان وبلىسىندا دۇنيەگە كەلگەن. 1997 جىلى قاراعاندى مەملەكەتتىك ۋنيۆەرسيتەتىن «جۋرناليست» ماماندىعى بويىنشا, 2000 جىلى ءال-فارابي اتىنداعى قازاق ۇلتتىق ۋنيۆەرسيتەتىن «جۋرناليستيكا ماگيسترى» ماماندىعى بويىنشا بىتىرگەن.
ەڭبەك جولىن 1997 جىلى ە. بوكەتوۆ اتىنداعى قاراعاندى مەملەكەتتىك ۋنيۆەرسيتەتىندە جۋرناليستيكا كافەدراسىنىڭ وقىتۋشىسى رەتىندە باستاعان.
2000–2004 جج. — سولتۇستىك قازاقستان ۋنيۆەرسيتەتىنىڭ وقىتۋشىسى, اعا وقىتۋشىسى.
2004–2009 جج. — ءال-فارابي اتىنداعى قازاق ۇلتتىق ۋنيۆەرسيتەتىنىڭ ساياساتتانۋ كافەدراسىنىڭ اعا وقىتۋشىسى, دوتسەنتى.
2009–2015 جىلدارى قر قاۋىپسىزدىك كەڭەسىنىڭ قۇرىلىمىندا جۇمىس ىستەدى: حاتشىلىق ساراپشىسى; تالداۋ ورتالىعىنىڭ سەكتور مەڭگەرۋشىسى, كونسۋلتانتى; سيتۋاتسيالىق ورتالىقتىڭ سەكتور مەڭگەرۋشىسى قىزمەتتەرىن اتقارعان.
2015 جىلعى شىلدەدەن باستاپ قازىرگى تاڭعا دەيىن قر قاۋىپسىزدىك كەڭەسىنىڭ تالداۋ ءبولىمىنىڭ سەكتور مەڭگەرۋشىسى قىزمەتىن اتقارعان.
