بايقاۋدىڭ ماقساتى – جاستار اراسىندا كاسىپكەرلىك مادەنيەتىن قالىپتاستىرۋ, قاتىسۋشىلارعا جەكە ىستەرىن اشۋعا قولداۋ ءبىلدىرۋ. شارانىڭ اشىلۋ سالتاناتىنا ۇزدىك جەرگىلىكتى مەنتورلار, بيزنەس ترەنەرلەر جانە كاسىپكەرلەر قاتىستى.
بايقاۋعا قاتىسىپ, باقتارىن سىناۋ مۇمكىندىگىنە 16-29 جاس ارالاعىنداعى جاستار يە بولدى. ىرىكتەۋ بايقاۋىنا ماڭعىستاۋ ءوڭىرى بويىنشا 100-گە جۋىق ۇمىتكەر ءوتىنىم بەردى.
بايقاۋدىڭ العاشقى كۇنى 20 مامىر كۇنى Yessenov University-دە «Startup Bolashak – مەنىڭ ارمانىم» رەسپۋبليكالىق ۇلتتىق جوباسىنىڭ وڭىرلىك ىرىكتەۋ كەزەڭى سالتاناتتى تۇردە اشىلدى. سالتاناتتى شارا بارىسىندا Yessenov University پرورەكتورى گۇليماي امانيازوۆا اشىپ بەردى. بايقاۋ كەزەڭىندە قاتىسۋشىلارعا قولداۋ كورسەتەتىن مەنتورلار جەتىستىككە جەتۋ تاريحىمەن ءبولىستى.
سونىمەن قاتار, قاتىسۋشىلارىمىزعا «نيشا تاڭداۋ», «كانۆاس بيزنەس مودەلى», «پيتچ پرەزەنتاتسيا» تاقىرىبىندا بىرنەشە قىزىقتى, تانىمدىق بيزنەس ترەنينگتەر ۇيىمداستىرىلدى.
ترەنينگتەردەن كەيىن ۇمىتكەرلەر وزدەرىنىڭ يدەيالارى بويىنشا كانۆاس بيزنەس مودەلىن قۇرىپ, كەلەسى كەزەڭگە دايىندالدى. بايقاۋ قاتىسۋشىلارى ماڭعىستاۋ وبلىسى بويىنشا ۇزدىك 6 مەنتورعا, تالىمگەرلەرىمىز ۇمىتكەرلەرىمىزگە ءوز يدەياسىن قورعاۋدا, جۇزەگە اسىرۋدا, نارىققا شىعارۋدا قاجەت كوپتەگەن قىزىقتى ءارى پايدالى كەڭەستەرىمەن, تاجىريبەسىمەن ءبولىستى.
تالىمگەرلەرمەن جۇمىس ناتيجەسىندە ۇزدىك 15 جوبا ءوز جوبالارىن قازىلار القاسى الدىندا قورعاۋعا مۇمكىندىك الدى.
21 مامىر كۇنى بايقاۋدىڭ قورعاۋ كەزەڭىنە وتكەن 15 جوبادان ىرىكتەلىپ ۇزدىك 11 جوبا اتىراۋ قالاسىندا فەستيۆال فورماتىندا وتەتىن شيرەك فينالعا جولداما الدى.
ماڭعىستاۋ وبلىسى
