تۇركى كەڭەسىنىڭ جۇرگiزiپ جاتقان جۇمىسى مەن 2019 جىلى 3 قازاندا ازەربايجاندا وتەتىن جانە ناحچىۆان كەلiسiمiنە قول قويىلۋىنىڭ 10 جىلدىعىن اتاپ وتەتiن تۇركى كەڭەسىنىڭ 7-ءشى سامميتىنە دايىندىق بارىسى مەن سامميت اياسىندا ۇيىمداستىرىلاتىن ءىس-شارالار تۋرالى حابارلادى. باس حاتشى تۇركيانىڭ تۇركى كەڭەسى مۇشە مەملەكەتتەرىنىڭ بارلىق سالالارىندا جان-جاقتى ىنتىماقتاستىققا قوسقان ۇلەسى مەن بەلسەندى قاتىسۋى ءۇشىن, سونداي-اق كەڭەستiڭ جۇمىسىنا ۇزدiكسiز قولداۋ كورسەتكەنi ۋشiن جوعارى مارتەبەلi رەجەپ تايىپ ەردوعانعا العىسىن ءبىلدىردى.
باس حاتشى امiرەەۆ جاقىندا قۇرىلعان ورتاق تۇركi ساۋدا-ونەركاسiپ پالاتاسى تۋرالى جانە ورتاق ينۆەستيتسيالىق قور قۇرۋعا بايلانىستى سوڭعى وزگەرiستەر تۋرالى باياندادى. امiرەەۆ بۇدان بولەك پرەزيدەنت ەردوعانعا بۋداپەشت قالاسىندا تۇركى كەڭەسىنiڭ وكىلدىگىن اشۋ, كەڭەسكە مۇشە ەمەس ەلدەرمەن جانە حالىقارالىق ۇيىمدارمەن قارىم-قاتىناستار, سونداي-اق تۇركi كەڭەسiنiڭ وڭتايلاۋ جانە رەفورمالاۋ ۋدەرiسi تۋرالى حابارلادى. تۇركيا ءاردايىم تۇركى الەمىنە باسىمدىق بەرەتiنiن اتاپ وتكەن پرەزيدەنت ەردوعان, تۇركى كەڭەسىنiڭ باستامالارى مەن جۇمىستارىنا جانە 2018 جىلى قىركۇيەك ايىندا چولپون-اتا قالاسىندا وتكەن تۇركi كەڭەسiنiڭ سامميتىندە قابىلدانعان شەشىمدەردىڭ ورىندالۋىنا ريزاشىلىق ءبىلدىردى.
ەردوعان تۇركi كەڭەسiنiڭ باستامالارى مەن جۇمىستارى, باۋىرلاس تۇركىتىلدەس مەملەكەتتەرمەن جانە باسقا دا مۇشە ەمەس ەلدەرمەن قارىم-قاتىناستاردى دامىتۋ, سونداي-اق باسقا دا حالىقارالىق ۇيىمدارمەن ىنتىماقتاستىقتى كەڭەيتۋ, ونىڭ ىشىندە يسلام ىنتىماقتاستىعى ۇيىمىنا (يىۇ) باقىلاۋشى مارتەبەسىنە يە بولۋىنا كورسەتكەن تولىققاندى قولداۋدىڭ ودان ءارى جالعاساتىنىنا سەنiم بiلدiردi.
پرەزيدەنت ەردوعان ورتاق ينۆەستيتسيالىق قوردىڭ قۇرىلۋىنا دايىندىقتى جوعارى باعالاپ, قوردىڭ مۇشە مەملەكەتتەردىڭ شاعىن جانە ورتا كاسىپورىندارىن دا قوسا العاندا بيزنەستi قولداۋ ءۇشىن جەتكىلىكتى الەۋەتكە يە بولۋ كەرەكتiگiن ءبىلدىردى.
پرەزيدەنت ەردوعان تۇركى كەڭەسى, تۇركپا, تۇركسوي, تۇركى اكادەمياسى, تۇركى مادەنيەتى مەن مۇراسى قورى سياقتى تۇركi ىنتىماقتاستىق ۇيىمدارىنىڭ رەفورمالاۋ ۇدەرىسىنە قاتىستى ءوز پىكىرلەرىن بiلدiردi.
