شارانى تاريح عىلىمدارىنىڭ دوكتورى, پروفەسسور ساعىمباي قوزىباەۆ جۇرگىزىپ, ولجاس ومار ۇلىنىڭ شىعارماشىلىعىنا قاتىستى مازمۇندى ويلارىمەن كوپشىلىكتىڭ نازارىن اۋداردى.
ولجاس سۇلەيمەنوۆ تۋرالى جازىلعان مىنا ءبىر جولداردى وسى رەتتە پايدالانۋدى ءجون كورىپ وتىرمىز. «اقىن تۋىندىلارىنان قازاق حالقى باستان وتكەرگەن جارقىن جىلداردىڭ قۋانىشقا تولى ساتتەرى مەن قايعىدان كوڭىلى قالعان ۇلى ءومىرىنىڭ بەتتەرىن قۇراۋعا بولادى. قانشا عاسىرلار بويى ۇلەسىنە تيگەن كوپتەگەن اۋىر سىناقتاردى باسىنان وتكەرە وتىرىپ, وزىندىك ءتول مادەنيەتىن تولىق دەرلىك العاشقى قالىپتا ساقتاي العان تاڭ قالارلىق جانە بىرەگەي قازاق ەلى تاعدىرىنىڭ كۋاسى بولادى. اقىننىڭ ءوزى «ءبىزدىڭ ۇرپاق كريستالدانۋ ۇستىندە. حالىق اراسىندا نامىس قوزعالىسى ءجۇرىپ جاتىر. قورلىقتا جۇرگەندەردە قۋانىش ۇعىمى بولۋى مۇمكىن ەمەس. اقىندار حالىققا نامىس قوزعالىسىنا كۇش-قۋات جەتكىزىپ تۇرۋعا مىندەتتى». ولجاس - اقىن, ويشىل, عالىم, ساياساتكەر. ولجاس ساياسي, الەۋمەتتىك جانە مادەني ورتادا بەلگىلى ءبىر پوەزياعا يە اقىننىڭ تەك و باستا وزىنە ارناپ بەرىلگەن مۇمكىندىكتەردى پايدالانا وتىرىپ قانا ارەكەت ەتۋى قاجەت ەكەندىگىن جاقسى ءتۇسىندى. ونىڭ قارۋى - ءسوز. ول ادەبيەتكە ەرەكشە داۋىسپەن ەندى».
ءىس-شارانى ۇلتتىق كىتاپحانانىڭ ديرەكتورى باقىتجامال وسپانوۆا قۇتتىقتاۋ سوزبەن اشىپ, كىتاپحانا ۇجىمى اتىنان ولجاس اقىنعا ارنايى سىيلىق تابىستادى.
ال ءوز ءومىرى مەن شىعارماشىلىعى جايىندا بايانداپ, جاڭا ولەڭدەرىن وقىرماندارىنا پاش ەتكەن ولجاس سۇلەيمەنوۆ پوەزيا كەشىنە جينالعان وقىرماندارىنىڭ سۇراقتارىنا جاۋاپ بەرىپ, كىتاپتارىنا قولتاڭباسىن قالدىرىپ, ەستەلىك سۋرەتكە ءتۇستى.
اقىننىڭ شىعارماشىلىق كەشىنە سافار ابدۋللو, باقىتجان قاناپيانوۆ, عالىمقايىر مۇتانوۆ, ەرمەك تۇرسىنوۆ, ت.ب زيالى قاۋىم وكىلدەرى مەن قوعام قايراتكەرلەرى قاتىسىپ, ىزگى-تىلەكتەرىن ءبىلدىردى.
وقىرماندار ۇلتتىق كىتاپحانا قورىنان ولجاس سۇلەيمەنوۆتىڭ ءومىرى مەن شىعارماشىلىعىنا ارنالعان كىتاپ كورمەسىن, سونداي-اق «يگرا» تەاترىنىڭ اكتەرلىك مەكتەپ وقۋشىلارىنىڭ اقىن ولەڭدەرىنەن ارنايى ساحنالىق قويىلىمىن تاماشالادى.
