جۇمىس ساپارىنىڭ ماقساتى – وسكەلەڭ ۇرپاقتى تاربيەلەۋگە, بالالاردىڭ قاۋىپسىزدىگىن قامتاماسىز ەتۋگە قوعامنىڭ نازارىن اۋدارۋ. س.ايتپاەۆا ساپار بارىسىندا قۇقىق قورعاۋ ورگاندارىنىڭ, ءبىلىم بەرۋ, دەنساۋلىق ساقتاۋ, الەۋمەتتىك قورعاۋ, ۇكىمەتتىك ەمەس ۇيىمدارىنىڭ, اتا-انالار قوعامداستىعىنىڭ وكىلدەرىمەن جانە بالالارمەن كەزدەستى.
ۋاكىل ساپار اياسىندا ومىردە كۇردەلى جاعدايدا جۇرگەن بالالاردى قولداۋ ورتالىعىندا, جاسوسپىرىمدەر مەن بالالار ۇيلەرىندە, دەۆيانتتى مىنەز-ق ۇلىقتى بالالارعا ارنالعان ارناۋلى مەكەمەدە, «قامقور جۇرەك» قوعامدىق قورىندا بولدى. كەزدەسۋلەر بارىسىندا بالا قۇقىقتارىنداعى ەڭ جاقسى مۇددەلەردى قامتاماسىز ەتۋ, جەتىم بالالاردىڭ تۇرعىن ۇيگە قۇقىقتارى, كامەلەتكە تولماعانداردىڭ بوس ۋاقىتىن ۇيىمداستىرۋ, تاربيە جانە اتا-انانىڭ جاۋاپكەرشىلىگىن ارتتىرۋ ماسەلەلەرى تالقىلاندى.
س.ايتپاەۆا اتا-انا ءۇشىن ەڭ دانا مۇعالىم بالا ەكەنىن اتاپ ءوتتى. «شىدامدىلىق, ۇستامدىلىق, ماحاببات پەن سىيلاستىقتى ءبىز ودان ۇيرەنۋىمىز كەرەك. پايدالى ساباقتى تەك ءبىزدىڭ بالامىز عانا بەرە الادى», – دەدى بالا قۇقىقتارى جونىندەگى ۋاكىل.
كەزدەسۋ بارىسىندا وڭىردەگى كامەلەتكە تولماعانداردىڭ قۇقىقتارىن قورعاۋ جانە قامتاماسىز ەتۋ, بالالار اراسىنداعى قۇقىق بۇزۋشىلىقتىڭ الدىن الۋ, دەنساۋلىق ساقتاۋ, سونداي-اق جەتىم بالالاردىڭ قۇقىقتارىن ساقتاۋ ماسەلەلەرى تالقىلاندى.
